Бозии ниҳоии Ҷоми Тоҷикистон-2019 оид ба футбол 24-уми ноябр миёни дастаҳои «Истиқлол»-и Душанбе, қаҳрамони Тоҷикистон ва «Регар-ТадАЗ»-и Турсунзода, ҷоизадори биринҷии мусобиқаи имсолаи лигаи олии кишвар, доир мегардад. Бозии ниҳоӣ дар Варзишгоҳи марказии Ҳисор рӯзи якшанбе соати 14:00 шуруъ мешавад.
Агар «Истиқлол» дар бозии ниҳоии Ҷоми Тоҷикистон-2019 ғолиб ояд, онгоҳ роҳхат ба Ҷоми AFC (Конфедератсияи футболи Осиё)-2020 насиби ҷоизадори нуқраи қаҳрамонии Тоҷикистон-2019 – дастаи «Хуҷанд»-и шаҳри Хуҷанд - мегардад.
Дар мавриди пирӯзии «Регар-ТадАЗ» дар финали Ҷоми Тоҷикистон, бошгоҳи шаҳри Турсунзода ба ҳаққи ширкат дар Ҷоми AFC-2020 аз марҳилаи муқаддамотӣ мушарраф мешавад.
Дарвоқеъ, соли гузашта низ дастаҳои “Истиқлол” ва “Регар-ТадАЗ” дар бозии ниҳоии Ҷоми Тоҷикистон-2018, ки дар Варзишгоҳи марказии шаҳри Ваҳдат баргузор шуд, рақобат карда буданд. Бозии ниҳоӣ бо пирӯзии «Истиқлол» бо ҳисоби 1:0 хотима ёфт. Тӯбро Комрон Турсунов, ҳамлагари “Истиқлол”, дар дақиқаи 60-ум ба ҳадаф расонд.
Мусобиқа барои Ҷоми Тоҷикистон шуруъ аз соли 1992 барои бори 28-ум баргузор шудаст. Ҳамагӣ даҳ даста барандаи Ҷом гардидааст. Аз ҳама бештар “Истиқлол” ҳафт бор Ҷоми Тоҷикистонро ба даст овардааст.
“Регар-ТадАЗ” шаш бор, “Хуҷанд” чаҳор бор, “Вахш”-и Қӯрғонтеппа, “Варзоб”-и Душанбе ва “Парвоз” (собиқ “Авиатор”)-и Бобоҷон Ғафуров дуборӣ, “Помир”-и Душанбе, “Ситора”-и Душанбе, “Равшан”-и Кӯлоб ва “Пахтакор”-и ноҳияи Ҷаббор Расулов якборӣ Ҷоми Тоҷикистонро соҳиб гаштаанд.
Ҷоми Тоҷикистон-2019
Финал
24-уми ноябр (якшанбе)
Оғози бозӣ – соати 14:00
«Истиқлол» – «Регар-ТадАЗ»
Ҳисор, Варзишгоҳи марказӣ
НАТИҶАҲОИ ҲАМАИ БОЗИҲОИ НИҲОИИ ҶОМИ ТОҶИКИСТОН (1992 – 2018):
- 1992 – «Помир» (Душанбе) – «Регар» (Турсунзода) – 1:0
- 1993 – «Ситора» (Душанбе) – «Равшан» (Кӯлоб) – 0:0. Аз рӯи пеналтӣ – 5:3
- 1994 – «Равшан» (Кӯлоб) – «Шодмон» (Ҳисор) – 2:1
- 1995 – «Пахтакор» (Ҷаббор Расулов) – «Регар-ТадАЗ» (Турсунзода) – 0:0. Аз рӯи пеналтӣ – 3:2
- 1996/1997 – «Вахш» (Қӯрғонтеппа) – «Хуҷанд» (Хуҷанд) – 4:0
- 1997/1998 – «Хуҷанд» (Хуҷанд) – «Ранҷбар» (Восеъ) – 2:1
- 1998 – «Варзоб» (Душанбе) – «Хуҷа Каримов» (Ғозималик) – 3:1
- 1999 – «Варзоб» (Душанбе) – «Регар-ТадАЗ» (Турсунзода) – 0:0. Аз рӯи пеналтӣ– 4:2
- 2000/2001 – «Регар-ТадАЗ» (Турсунзода) – «Варзоб» (Душанбе) – 4:2
- 2001/2002 – «Регар-ТадАЗ» (Турсунзода) – «Хуҷанд» (Хуҷанд) – 3:1
- 2002 – «Хуҷанд» (Хуҷанд) – «Вахш» (Қӯрғонтеппа) – 3:0
- 2003 – «Вахш» (Қӯрғонтеппа) – «Олимп-Ансол» (Кӯлоб) – 3:1
- 2004 – «Авиатор» (Бобоҷон Ғафуров) – «Ӯротеппа» (Истаравшан) – 5:0
- 2005 – «Регар-ТадАЗ» (Турсунзода) – «Вахш» (Қӯрғонтеппа) – 1:1. Аз рӯи пеналтӣ – 3:1
- 2006 – «Регар-ТадАЗ» (Турсунзода) – «Хима» (Душанбе) – 2:1
- 2007 – «Парвоз» (Бобоҷон Ғафуров) – «Хима» (Душанбе) – 1:0
- 2008 – «Хуҷанд» (Хуҷанд) – «Энергетик» (Душанбе) – 2:1
- 2009 – «Истиқлол» (Душанбе) – ССКА «Помир» (Душанбе) – 3:1
- 2010 – «Истиқлол» (Душанбе) – «Хуҷанд» (Хуҷанд) – 5:0
- 2011 – «Истиқлол» (Душанбе) – «Регар-ТадАЗ» (Турсунзода) – 0:1
- 2012 – «Истиқлол» (Душанбе) – «Регар-ТадАЗ» (Турсунзода) – 1:1. Аз рӯи пеналтӣ – 5:6
- 2013 – «Истиқлол» (Душанбе) – «Регар-ТадАЗ» (Турсунзода) – 2:0
- 2014 – «Истиқлол» (Душанбе) – «Регар-ТадАЗ» (Турсунзода) – 5:2
- 2015 – «Истиқлол» (Душанбе) – «Регар-ТадАЗ» (Турсунзода) - 2:2. Аз рӯи пеналтӣ – 6:5
- 2016 – «Истиқлол» (Душанбе) – «Ҳосилот» (Фархор) - 2:2. Аз рӯи пеналтӣ – 3:2
- 2017 – «Истиқлол» (Душанбе) – «Хуҷанд» (Хуҷанд) – 0:2
- 2018 – «Истиқлол» (Душанбе) – «Регар-ТадАЗ» (Турсунзода) – 1:0
Миллион сарбозу Калашников ва дигар танку туб дошта боши дар хозир ягон кумак карда наметнад!ин тачхизот хо хамаш асри 19-20...хозир бояд ракета 4-5поколени самалиёт ва дигар тачхизот хои хавои зарур ва бошад вагарна ин автомату дигар тачхизот Кати хечи карда наметони ...
Эффект хаст, например, хар руз маълиму духтур бо пора ба маблаги 100 ё 200 сомони ба даст меафтанд ку
Худо куват дихад пирузи навбати таманно дорем!!!
Мухтарам корбарони РО, хохишмандем аз натичаи ин гузоришатон хабар медодед. Сохибкорони бозор мунтазири натича хастанд, ин казия халли худро ёфт ё ин ки касе гурбаи ин раисро ''пишт'' гуфта наметавонад???
Ҳақ омад ботил азбай меравад ҳаройина ботил раванда аст