Сенати Узбекистон бо қабули тағйирот ба қонунгузорӣ ҷавобгарии ҷиноиро барои хориҷиҳое бекор кард, ки қоидаҳои буду бошро дар он кишвар нақз мекунанд.
Ҳамчунин бар асоси ин тағйирот, шаҳрвандони хориҷӣ ва ё афроди бешаҳрвандии зери 17 сол барои вайрон кардани қоидаҳои буду бош ба ҷавобгарии маъмурӣ ҷалб нахоҳанд шуд.
Моддаи 224-уми Кодекси ҷиноии Узбекистон барои вайрон кардани қоидаҳои буду бош то 3 соли ҳабсро пешбинӣ мекард. Ҳамакнун ин меъёр бекор мешавад.
