Пайвандҳои дастрасӣ

Хабари нав

Алмосбек Отамбоев то 26 октябр дар ҳабс мемонад


Муҳлати ҳабси пешакии президенти собиқи Қирғизистон Алмосбек Отамбоев то 26 октбяр тамдид шуд. Дар ин бора додгоҳи ноҳияи Якуми майи шаҳри Бишкек қарор қабул кард.

Бар асоси қарори пешин, Отамбоев то 26 август ба ҳабс гирифта шуда буд. Замир Жоошев, вакили мудофеи Отамбоев гуфт, ки ин қарор "поймолсозии навбатии қонун аст".

"Додгоҳ дархости додситонро қонеъ кард. Чунин муҳокимаҳо бояд дар бинои додгоҳ ва ошкоро баргузор шаванд. Вале ин бор ҳам баррасии додгоҳӣ дар бинои КДАМ барпо шуд. Ин хилофи қонун аст",-гуфт вакили мудофеъ.

Рӯзи 16 август додгоҳи сайёри ноҳияи Якуми майи шаҳри Бишкек дар бинои КДАМ барпо шуд, ки он замон дархости вакилони мудофеи Отамбоев дар бораи бозбинии ҳукми ҳабси пешакӣ рад гардид.

Рӯзҳои 7-8 август дар манзили Отамбоев дар деҳаи Кой-Тоши вилояти Чуй бо ҳадафи иҷборан ба бозпурсӣ ҳозир кардани президенти пешин ҳамла сурат гирифт. Баъди боздошт нисбати Отамбоев дар доираи парвандаи ғайриқонунӣ озод кардани дузди қонунӣ Азиз Батукаев, бо моддаҳои "Фасодкорӣ" ва "Иштирок дар ҷиноят" парванда боз шуд. Бо қарори додгоҳ, Отамбоев то 26 август ба ҳабси пешакӣ гирифта шуд.

Додситонии Қирғизистон 13 август хабар дод, ки нисбати президенти пешин дар робита ба ҳаводиси Кой-Тош чанд парвандаи дигар боз шудааст.

Гузоришҳои видеоӣ

Хушунат ва шиканҷаи занон дар хона
лутфан мунтазир бошед
Embed

Феълан кор намекунад

0:00 0:02:52 0:00
XS
SM
MD
LG