Дар бозии аввал, ки рӯзи 22-юми апрел доир гардид, футболбозони навраси тоҷик ба дарвозаи ҳамсолонашон аз Умон ду голи беҷавоб заданд. Голҳоро Абдуфаттоҳи Худойдодзода дар дақиқаи 28-ум ва Меҳрубони Абдурауф дар дақиқаи 90-ум ба самар расониданд.
Бозии дуюми дӯстона миёни дастаҳои мунтахаби наврасони Тоҷикистон ва Умон, ки 25-уми апрел барпо гашт, бо ҳисоби мусовии 3:3 хотима ёфт. Ҳисобро дар дақиқаи 35-ум Абдул Алим Ал-Раваҳӣ, бозигари умониҳо, бо задани ҷаримаи 11-метрӣ боз кард.
Баъди 3 дақиқа Мишарӣ Ал-Ҳасанӣ ҳисобро афзун намуд. Голи сеюми меҳмононро Абдул Раҳмон Ал-Ҷабрӣ дар дақиқаи 45-ум зад. Пеш аз танаффус Хуршед Убайдуллозода тӯбро аз пеналтӣ ба ҳадаф расонида, ҳисобро тағйир дод – 1:3.
Пас аз танаффус Афлаҳ Солеҳ Ал-Ҷарадӣ (дақиқаи 47-ум) ғайричамшдошт тӯбро ба дарвозаи дастааш ворид кард. Ба Абдуфаттоҳи Худойдодзода муяссар шуд, ки дар дақиқаи 83-юм ҳисобро баробар намояд – 3:3.
Ин ду бозии дӯстона муқобили дастаи Умон барои ҳайати нави мунтахаби наврасони Тоҷикистон яке аз давраҳои омодагӣ ба марҳилаи интихобии мусобиқоти қаҳрамонии Осиё-2020 маҳсуб мешуд, ки моҳи сентябри имсол баргузор мешавад.
Бозиҳои интихобӣ
Тоҷикистон (U-16) – Умон (U-16) – 2:0
Голҳо: Абдуфаттоҳи Худойдодзода, 28 (1:0). Меҳрубони Абдурауф, 90 (2:0).
Сардовар: Абдулло Давлатов (Шаҳринав).
Комиссари бозӣ: Ҷовидон Ҳасанов (Душанбе).
22 апрел. Душанбе. Варзишгоҳи марказии ҷумҳуриявӣ. 1236 тамошобин.
Тоҷикистон (U-16) – Умон (U-16) – 3:3
Голҳо: Абдул Алим Абдулло Саъдулло Ал-Раваҳӣ, 35 – аз пеналтӣ (0:1). Мишари Алӣ Сайф Ал-Ҳасанӣ, 38 (0:2). Абдул Раҳмон Сауд Юнус Ал-Ҷабрӣ, 45 (0:3). Хуршед Убайдуллозода, 45+3 – аз пеналтӣ (1:3). Афлаҳ Солеҳ Ҷамил Ал-Ҷарадӣ, 47 – ба дарвозаи худ (2:3). Абдуфаттоҳи Худойдодзода, 83 (3:3).
Сардовар: Рустам Нурматов (Душанбе).
Комиссари бозӣ: Ҷовидон Ҳасанов (Душанбе).
25 апрел. Душанбе. Варзишгоҳи марказии ҷумҳуриявӣ. 550 тамошобин.
