Мақомоти шаҳри Душанбе таркиш дар яке аз кӯчаҳои марказии пойтахтро шарҳ дода гуфтанд, ки сабаби фалокат, инфиҷори лӯлаи газ будааст.
Дафтари матбуоти ҳукумати Душанбе гуфт, ки таркиши шаби 24-уми апрел дар наздикии фурудгоҳ, сӯрох шудани лӯлаи газ ва ихроҷи он будааст. Дар баёнияи кутоҳе, ки рӯзи 25-уми апрел нашр шуд, омадааст, ки “лӯлаи газ дар ин минтақа куҳнаву фарсуда шуда, соли 1974 мавриди истифода қарор доштаанд.”
Шаби 24-уми апрел таркиши қавӣ сокинони маҳаллаҳои наздик ба ҳодисаро тарсонд. Вазорати умури дохилӣ аввал гуфт, ки расиши ноқилҳои барқӣ сабаби таркиш шуд. Дар натиҷа 5 метр роҳ вайрон шудааст. Касе дар ин ҳодиса осеб надидааст.
