Рӯзи 9-уми июни имсол дар Қазоқистон интихоботи раёсати ҷумҳурӣ баргузор хоҳад шуд.
Дар ин бора Қосимҷомарт Тоқаев, иҷрокунандаи вазифаи президент, рӯзи 9-уми апрел дар муроҷиати телевизионӣ ба мардум хабар дод.
Ӯ "интихоботи озод ва мунсифона"-ро кафолат дод, аммо нагуфт, ки дар ин интихобот номзад хоҳад шуд, ё не.
Қосимҷомарт Тоқаев 20-уми марти имсол, як рӯз баъди он ки Нурсултон Назарбоев истеъфои худро эълон кард, иҷрокунандаи вазифаи президент дар Қазоқистон шуд. Назарбоеви 78-сола тақрибан 30 сол ҷилави қудрат дар ин кишвари ғанӣ аз нафтро дар даст дошт. Ӯ раиси якумрии Шӯрои амнияти Қазоқистон ва раҳбари ҳизби ҳокими "Нур Отан" мемонад.
Тоқаеви 65-сола то замони президенти муваққатӣ шудан раиси Сенати Қазоқистон буд. Ӯ дар гузашта дар мақмҳои сарвазир ва вазири корҳои хориҷӣ низ кор кардааст.
Ҳоло Дариға Назарбоева, духтари 56-солаи Нурсултон Назарбоев, ба ҷойи ӯ раиси Сенат интихоб шуд.
Тафсилоти бештарро дар инҷо хонед: