Пайвандҳои дастрасӣ

Хабари нав

Ширкати мунтахаби наврасони Тоҷикистон дар Ҷоми "Роҳи абрешим-Ҳуа Шан"


Дастаи мунтахаби наврасони футболи Тоҷикистон, ки ба таркибаш бозигарони зери 15-сола дохиланд, бо раҳбарии сармураббӣ Аҳлиддин Турдиев дар мусобиқаи байналмилалии Ҷоми “Роҳи абрешим – Ҳуа Шан” (Silk Road – Hua Shan Cup-2019) ширкат хоҳад кард.

Ба иттилои Федератсияи футболи Тоҷикистон (ФФТ), ин мусобиқа аз 6-ум то 10-уми апрел дар шаҳри Вэйнани Чин доир мегардад. Дар он дастаҳои мунтахаби наврасони чор кишвар – Қирғизистон, Мянмар, Тоҷикистон ва Чин – иштирок мекунанд. Мусобиқа аз як давра иборат аст.

Ба ҳайати дастаи мунтахаби наврасони Тоҷикистон (U-15)
22 футболбоз дохил шудааст, ки ҳамаашон шогирдони Академияи футболи ФФТ мебошанд.

Мунтахаби наврасони Тоҷикистон (U-15) нахустин бозиашро 6-уми апрел муқобили ҳамсолони худ аз Қирғизистон анҷом медиҳад. Футболбозони навраси тоҷик дар даври дувум 8-уми апрел бо мунтахаби Мянмар ва дар даври севум 10-уми апрел бо мунтахаби Чин бозӣ мекунанд.

Ҳайати дастаи мунтахаби наврасони футболи Тоҷикистон (U-15):

Дарвозабонҳо: Сафармад Ғаффоров, Зафар Шарифов;


Ҳимоятгарон: Раҳматшо Раҳматзода, Рӯзимуҳаммад Абдураҳмонов, Нурсултон Норбойзода, Шаҳриёр Норов, Ҳукмиддин Шомуродов, Рамзиддин Нарзуллоев, Фахриддин Аҳтамов, Меҳрубони Абдурауф, Шаҳриёри Иноятулло;

Нимҳимоятгарон: Қурбоналӣ Муродов, Алиҷони Айнӣ, Хусрав Тоиров, Бежан Нишонбойзода, Аббос Андалибов, Кабир Салимшоев, Абдулфаттоҳи Худойдодзода;


Ҳамлагарон: Муҷовид Шовайсуддинов, Муҳаммадиқбол Абдуллоев, Муҳаммадворис Саидалиев, Аминҷон Раҳмонов.

Сармураббӣ – Аҳлиддин Турдиев.


ҶомиРоҳи абрешимҲуа Шан-2019” миёни дастаҳои мунтахаби наврасон (U-15)

Даври 1-ум

6 апрел (шанбе)
13:00. Тоҷикистон – Қирғизистон
16:35. Чин – Мянмар

Даври 2-юм

8 апрел (душанбе)
13:00. Мянмар – Тоҷикистон
16:35. Қирғизистон – Чин

Даври 3-юм
10 апрел (чоршанбе)
13:00. Қирғизистон – Мянмар
16:35. Чин – Тоҷикистон

Эзоҳ: замони оғози бозиҳо – ба вақти Душанбе.

Шарҳҳоро бинед (1)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG