Пайвандҳои дастрасӣ

Хабари нав

Мунтахаби Тоҷикистон бо Камерун бозии санҷишӣ мекунад


Дастаи мунтахаби олимпии футболи Тоҷикистон (U-23) ба мусобиқоти интихобии қаҳрамонии Осиё-2020 дар Туркия омодагӣ хоҳад дид. Ҷамъомади таълимиву тамринии даста аз 1-ум то 15-уми феврал дар шаҳри Анталия баргузор мешавад.

Ба иттилои Федератсияи футболи Тоҷикистон, дастаи мунтахаби олимпии кишвар дар доираи омодагӣ ба мусобиқоти интихобии қаҳрамонии Осиё-2020 дар Анталия се бозии санҷишӣ анҷом хоҳад дод.
Футболбозони ҷавони тоҷик рӯзи 11-уми феврал бо ҳамсолони худ аз Камерун бозии санҷишӣ барпо мекунанд. Рақибони мунтахаби олимпии Тоҷикистон (U-23) дар ду бозии дигари санҷишӣ баъдтар маълум хоҳанд шуд.

Сармураббии мунтахаби олимпии Тоҷикистон (U-23) Усмон Тошев, мутахассиси узбекистонӣ, ба ҷамъомади таълимиву тамринии даста дар Анталия бозигарони тими «Истиқлол»-и Душанберо, ки дар ҳамин ҳол дар Туркия ба бозиҳои марҳилаи муқаддамотии Лигаи қаҳрамонҳои AFC (Конфедератсиони футболи Осиё) - 2019 омодагӣ мебинад, даъват намекунад.

Ҷамъомади таълимиву тамринии мунтахаби олимпии Тоҷикистон (U-23) дар Туркия яке аз давраҳои омодагии даста ба мусобиқоти интихобии қаҳрамонии Осиё-2020 маҳсуб мешавад, ки аз 22-юм то 26-уми март дар шаҳри Тошканд барпо мегардад. Футболбозони ҷавони тоҷик дар гурӯҳи «F» бо дастаҳои мунтахаби Ҳиндустон (22-юми март), Покистон (24-уми март) ва Узбекистон (26-уми март) рақобат хоҳанд кард.

Ҳайати дастаи мунтахаби олимпии Тоҷикистон дар ҷамъомади таълимиву тамринӣ дар Туркия:

Дарвозабонҳо: Фатҳулло Бобоев («Хатлон»), Шоҳрух Қирғизбоев («Барқчӣ»), Фирӯз Назаров (Академияи футболи ФФТ);

Ҳимоятгарон: Алишер Холмуродов («Пандҷшер»), Алишер Баротов («Хатлон»), Доробҷн Эргашев (ССКА «Помир»), Ҳусейн Нурматов, Ваҳдат Ҳанонов, Оятулло Сафаров, Манучеҳр Сафаров (ҳарчор – «Барқчӣ»);

Нимҳимоятгарон: Алишер Мирзоев («Сперанса», Молдова), Кароматулло Саидов («Хатлон»), Сорбон Авғонов («Панҷшер»), Отабек Каримов («Истаравшан»), Шарафҷон Солеҳов, Далер Ёдгоров, Шервонӣ Мабатшоев, Саидмухтор Азимов (ҳарчор – «Барқчӣ»);

Ҳамлагарон: Амирҷон Сафаров («Регар-ТадАЗ»), Тоҳир Малодӯстов («Барқчӣ»).

Сармураббӣ - Усмон Тошев.

Шарҳҳоро бинед (1)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG