Дар арафаи соли нави мелодӣ ширкату корхонаҳои пойтахт иқдомҳои ҷолиб роҳандозӣ карданд.
Аксбардории ройгон дар "Хонаи ман"
Малика бо дугонаҳояш дар як гӯшаи мағозаи фурӯши мебели "Хонаи ман" аксбардорӣ мекунад, то соли навро барои худ хотирмону ҷолиб кунад. Ӯ мегӯяд, ки мехоҳад Соли нав барояш хотирмон бошад ва барои ҳамин бо дӯстонаш инҷо омад то аксбардорӣ намояд. "Шунидам, ки инҷо бисёриҳо барои аскбардорӣ меоянд, мо ҳам инҷо омадем",-мегӯяд Малика
Омодагии Душанбе ба истиқболи Соли нав як моҳ пеш аз фарорасии соли 2019 шурӯъ шуд.
Фотосессия дар муҳити соли навӣ иқдоми мағозаи "Хонаи ман" аст. Масъулин як гӯшаи алоҳидаи мағозаро ба таври ҷашнӣ омода кардаанд. Сокинон талош мекунад, дар пайи иқдоми бепул акс гиранд, то аз соле ки меравад, хотирае дошта бошанд.
Азиз Рабиев, як тасвирбардор мегӯяд, ба инҷо донишҷӯён, ҳамсинфон ва хонаводаҳо меоянд ва аз хизматрасониҳои онҳо истифода мебаранд. "Ҳар нафар 20 дақиқа вақт дорад ва хоҳишмандон метавонанд бо дастгоҳи аксбардорӣ ё тавассути телефон акс бигиранд",-афзуд вай. Ин тасвирбардори "Хонаи ман" мегӯяд, ки ҳамарӯза ҳудуди 200 нафар аз ин хизматрасонии ройгони онҳо бархӯрдор мешавад.
"Олуча" ба наврасон тӯҳфаи медиҳад
"Олуча"- ширкати мусофиркашонӣ дар пойтахт барои сокинон хизматрасонии "Бобои барфӣ"-ро роҳандозӣ кардааст. Волидон бо истифода аз ин хизматрасонӣ фарзандони худро хушҳол мекунанд.
Соҳиб Исмоилов, як ронандаи ширкати "Олуча" ба Радиои Озодӣ гуфт, рӯзи гузашта як падар барои писаронаш Ҳасану Ҳусейн аз номи Бобои барфӣ тӯҳфа супориш кард. "Тӯҳфаро гирифтаму ба назди боғча рафтам. Дар ҳақиқат бачаҳо ҳайратзада шуданд, ки чӣ хел Бобои барфӣ онҳоро пешвоз гирифт?",-афзуд вай.
Ӯ мегӯяд, ҳатто онҳое, ки ба Бобои барфӣ бовар надоранд, бо дидани ӯ дар ин либос хурсанд мешаванд. "Калонсолон агар бо фарзандонашон, маро бинанд, ана Бобои барфӣ гуфта, даст мебардоранд",-мегӯяд ӯ. Дар кӯчаву хиёбонҳои пойтахт мусофиркашҳову тарабхона ва дӯконҳо, "бобоҳои барфӣ" хеле зиёд ба назар мерасанд.
"Мегабайтҳо"-и ройгони "Тселл"
Ширкати мобилии "Тселл" баъд аз соати 5-и бегоҳ бобоҳои барфиро "сафарбар" мекунад. Бачаҳои ҷавон бо либоси Бобои барфӣ дар хиёбонҳои шаҳр мегарданду фазоро боз ҳам идона мекунанд. "Бо мардум акс мегиранд ва ба кӯдакон бастаҳои ин ширкатро ба ҳайси тӯҳфа медиҳанд. Онҳо ҳам ширкатро таблиғ мекунанд ва ҳам ба дигарон хушҳолӣ мебахшанд."
Суҳроб, як корманди Тселл мегӯяд, "кадоме омада назди мо рамзро мегӯяд, мо ба вай як тӯҳфа, масалан, шумораи биринҷӣ медиҳем, ки як моҳ муоширати бепул ё белимит карда метавонад."
Омодагии Душанбе ба истиқболи Соли нав як моҳ пеш аз фарорасии соли 2019 шурӯъ шуд ва аксар сокинон дарк карданд, ки дар тафовут бо солҳои гузашта, ки арчаи солинави рӯзҳои 28 ваё 30 декабр ва барои чанд рӯз оро дода мешуд, имсол мақоми ин ид барҷастатар мешавад.
мухлат тамдид шавад ба як соли дигар
Аз бахри симкорт ачаб не, ки бароем.
Чаро аз ислохи низоми диктотури дар ЧТ гап задаю дигаронро (мухолифони дигарандешатон)-ро санг задаед. Магар танхо дидгохи гурухи хурди мухолифини мухолифон, ки Шумо бо сардории Додочони Атоулло хастед, беайбу созгор асту дигарон мисли хукумати кунунии авлоди кобилияти идора ва ислохро надоранд, чун баъзеи онон мазхабмехвар ва ё лоакал "дунёви"-и мутлак нестанд.
Ман вақти иваз кардани шиносномаро надорам ва бо дидани навбатҳои беохир дилам сард мегардаду ба қафо мегардам. Шояд боз муҳлати ивази шиносномаҳоро тамдид кунанд?
Мухтарам масъулин! Вазъи ахоли хануз имкон намедихад инчунин, мушкилоти ВКД-низ зиёд аст, ки сари вакт шиносномахоро тез иваз намоянд. Барои ин хохиш мекунем, ки мухлати ивази шиноснома боз ним соли дигар тамдид шавад. Агар ин сатрхоро мехонед хохиш ин пешниходро рад накунед.