Шаҳрдори Кӯлоб ба шоири мардумии тоҷик Ҳақназар Ғоиб ба муносибати 55-солагии фаъолияти эҷодиаш унвони шаҳрванди ифтихории шаҳри Кӯлобро тақдим кард.
Хайруллои Амонулло рӯзи 14 декабр дар маросими таҷлили фаъолияти эҷодии шоир гуфт, ки дар дигар деҳаву ҷамоатҳо ҳам ҷашнгирии шоири маъруф идома мекунад. Хайруллои Амонулло гуфт, ки бо қарори ӯ ба Ҳақназар Ғоиб, шоири халқии Тоҷикистон аз 12 декабри соли 2018 унвони “Шаҳрванди ифтихории шаҳри Кӯлоб” дода шудааст.
Ҳақназар Ғоиб, аз аввалин шоирони ин минтақа аст, ки бо чунин унвон сарфароз мешавад. Ҳоло Ҳақназар Ғоиб 75-сол дошта, дар 55-соли фаъолияти эҷодяш зиёда аз 30 маҷмуайи шеърҳои худро ба табъ расонидааст.
