Ду бозии дӯстонаи мунтахаби ҷавонони футзали Тоҷикистон бо Афғонистон

Дастаи мунтахаби ҷавонони Тоҷикистон оид ба футзал, ки аз ҳисоби бозигарони то 20-сола таркиб ёфтааст, дар доираи омодагӣ ба мусобиқаи интихобии қаҳрамонии Осиё-2019 бо тими ҷавонони Афғонистон ду бозии дӯстона анҷом медиҳад.

Бозиҳои дӯстона миёни тимҳои мунтахаби ҷавонони Тоҷикистон ва Афғонистон рӯзҳои 26-27-уми ноябр баргузор мешаванд. Ҳарду бозӣ дар шаҳри Хуҷанд, дар маҷмааи варзишии «Қасри варзиш», соати 18:00 шуруъ мешаванд.

Бояд гуфт, ки мунтахаби ҷавонони Тоҷикистон дар мусобиқаи интихобии қаҳрамонии Осиё-2019, ки аз 1-ум то 4-уми декабр дар Тошканд барпо мегардад, дар гурӯҳи «В» бо тимҳои Узбекистон ва Қирғизистон рақобат мекунад. Мунтахаби ҷавонони Афғонистон дар гурӯҳи «А» бо тимҳои Эрон ва Туркманистон бозӣ хоҳад кард.

Бар асоси дастури мусобиқа аз минтақаи Марказӣ танҳо се даста ба марҳилаи ниҳоии қаҳрамонии Осиё-2019 роҳ меёбад. Ба ҷуз ғолибони гурӯҳҳо, инчунин дастаҳое, ки ҷойҳои дуюмро мегиранд, дар плей-офф барои роҳхати сеюм мубориза мебаранд.

Бозиҳои дӯстона

26-уми ноябр (душанбе)

Оғози бозӣ – соати 18:00

Тоҷикистон (U-20) – Афғонистон (U-20)

Хуҷанд, маҷмааи варзишии «Қасри варзиш»

27-уми ноябр (сешанбе)

Оғози бозӣ – соати 18:00

Тоҷикистон (U-20) – Афғонистон (U-20)

Хуҷанд, маҷмааи варзишии «Қасри варзиш»

Мусобиқаи қаҳрамонии Осиё-2019 оид ба футзал миёни дастаҳои мунтахаби ҷавонон (U-20)

Мусобиқаи интихобӣ. Минтақаи Марказӣ

Гурӯҳи «А»: Эрон, Афғонистан, Туркманистон.

Гурӯҳи «В»: Узбекистон, Тоҷикистон, Қирғизистон.

Тақвими бозиҳо:

Даври 1-ум

1-уми декабр (шанбе)

16:00 – Туркманистон – Эрон

19:00 – Қирғизистон – Узбекистон

Даври 2-юм

2-юми декабр (якшанбе)

16:00 – Тоҷикистон – Қирғизистон

19:00 – Афғонистон – Туркманистон

Даври 3-юм

3-юми декабр (душанбе)

16:00 – Эрон – Афғонистон

19:00 – Узбекистон – Тоҷикистон

Плей-офф

4-уми декабр (сешанбе)

18:00 – Ҷойи 2-юми гурӯҳи «А» – Ҷойи 2-юми гурӯҳи «В»

Эзоҳ: ҳамаи бозиҳо дар маҷмааи варзишии «Узбекистон»-и Тошканд баргузор мешаванд.