Шоми 19-уми октябр як заминларза Тоҷикистонро такон дод. Ниҳодҳои зилзиланигории ҷаҳон гуфтанд, ки маркази заминларза дар ноҳияи Мурғоби вилояти мухтори куҳистони Бадахшон буда, шиддати он ба беш аз 5 дараҷаи Рихтер мерасид. Ин заминларзаро дар Душанбе ва ноҳияҳои дигари кишвар эҳсос кардаанд. Маркази зилзилашиносии Узбекистон ҳам эълон кард, ки шиддати заминларза дар шаҳрҳои он кишвар аз 2 то 3 дараҷаро ташкил дод. Тоҷикистон дар яке аз минтақаҳои зилзилахези қораи Осиё ҷойгир аст. Ҳамасола дар кишвар садҳо заминларза сабт мешавад.
