Кохи Сафед аз бархӯрди Фаронса алайҳи ду ҷосуси истихбороти Эрон, ки гуфта мешавад ҳамла дар Порисро тарҳрезӣ мекарданд, ситоиш кард.
"Фаронса дар муқобили тарҳи террористии Эрон бархӯрди ҷиддӣ нишон дод - Теҳрон бояд бидонад, ки рафтори золимонааш таҳаммул намешавад", - навишт Шӯрои амнияти миллии Амрико бегоҳи 2-юми октябр дар Твиттер.
Сухангӯи Кохи Сафед Ҳезер Нойерт ба хабарнигорон гуфт, ин ҳодиса итминони Амрикоро собит мекунад, ки Эрон "сармоягузори аслии терроризм дар ҷаҳон аст".
Мақомоти Фаронса рӯзи 2-юми октябр гуфтанд, онҳо дороиҳои ду ҷосуси эҳтимолии Эронро, ки се моҳ пеш ба тарҳрезии ҳамла ба намоише дар Порис гумонбар шудаанд, масдуд кард. Намоишро гурӯҳи мухолифини мусаллаҳи Эрон - "Муҷоҳиддини халқ" сармоягузорӣ карда буд.
Теҳрон "Муҷоҳиддини халқ"-ро террорист эълон кардааст, аммо қудратҳои ғарбӣ онро аз феҳрасти террористҳо берун андохтанд.
Эрон вуҷуди барномаи ҳамлаи Порисро такзиб кард.
