Пайвандҳои дастрасӣ

Хабари нав

“Хуҷанд” дар мусобиқаи лигаи олӣ боз ба ҷойи аввал баромад


“Хуҷанд”-и шаҳри Хуҷанд дар бозии даври ҳабдаҳуми мусобиқаи қаҳрамонии футболи Тоҷикистон миёни дастаҳои лигаи олӣ дар меҳмонӣ «Регар-ТадАЗ»-и Турсунзодаро бо ҳисоби 1:0 шикаст дод.

Барои медалҳои биринҷӣ се даста – “Кӯктош”, “Регар-ТадАЗ” ва ССКА “Помир” – мубориза мебаранд.

Ин бозии даври ҳабдаҳум 19-уми сентябр дар варзишгоҳи «ТАЛКО-Арена»-и шаҳри Турсунзода бо ҳузури 1500 тамошогар доир гардид. Голи ягонаро ҳамлагари меҳмонон Фарҳод Тоҳиров дар дақиқаи 57-ум ба самар расонд.

Ба ин тартиб, се имтиёзи дар ин бозӣ бадастоварда ба «Хуҷанд» имкон дод, ки бо 42 имтиёз дар ҷадвали мусобиқа боз ба зинаи аввал барояд. Дастаи «Истиқлол»-и Душанбе низ 42 имтиёз дорад ва бо назардошти таносуби тӯбҳо дар зинаи дувум ҷойгир шудааст.

Дар бозии дигари даври ҳабдаҳум «Панҷшер»-и ноҳияи Ҷалолиддини Балхӣ, ки барои дар лигаи олӣ мондан талош дорад, дар майдони худ «Хатлон» -и Бохтарро бо ҳисоби 2:0 мағлуб кард. Голҳоро Мунир Давлатбеков (дақиқаи 22-юм) ва Хайриддин Турахонов (дақиқаи 77-ум) заданд.

Дар бозии охирини даври ҳабдаҳум, ки имрӯз, 20-уми сентябр, барпо мегардад, «Барқчӣ» дар Варзишгоҳи марказии Ҳисор муқобили ССКА «Помир»-и Душанбе рақобат мекунад.

Ҳамин тариқ, мубориза барои медалҳои тилло миёни ду дастаи пешсаф – “Хуҷанд” ва “Истиқлол” – дар бозиҳои боқимондаи давраи сеюми мусобиқаи лигаи олии футболи Тоҷикистон торафт шиддат мегирад. Дар даври ҳаждаҳум "Истиқлол" 23-юми сентябр дар Варзишгоҳи марказии Душанбе бо «Хуҷанд» рӯбарӯ мешавад.

Барои медалҳои биринҷӣ се даста – “Кӯктош”, “Регар-ТадАЗ” ва ССКА “Помир” – мубориза мебаранд. Дастаи нави лигаи олӣ - “Кӯктош”-и ноҳияи Рӯдакӣ, ки бо 24 имтиёз дар зинаи сеюм ҷойгир шудааст, барои дарёфти мақоми сеюм шонси хуб дорад.

Мусобиқаи қаҳрамонии Тоҷикистон. Лигаи олӣ. Даври 17-ум

«Панҷшер» – «Хатлон» – 2:0

Голҳо: Мунир Давлатбеков, 22 (1:0). Хайриддин Турахонов, 77 (2:0).

Беҳтарин бозигари дидор: Мунир Давлатбеков («Панҷшер»).

Сардовар: Сайёдҷон Зайниддинов (Душанбе).

19 сентябр. Ҷалолиддини Балхӣ. Варзишгоҳи ба номи Уктам Маматов. 3000 тамошобин.

«Регар-ТадАЗ» – «Хуҷанд» – 0:1

Гол: Фарҳод Тоҳиров, 57.

Беҳтарин бозигари дидор: Ҷаҳонгир Эргашев («Хуҷанд»).

Сардовар: Насим Ҳамидов (Душанбе).

19 сентябр. Турсунзода. Варзишгоҳи «ТАЛКО-Арена». 1500 тамошобин.

«Кӯктош» – «Истиқлол» – 2:3

Голҳо: Меҳроҷиддин Музаффаров, 15 (1:0). Фатҳулло Фатҳуллоев, 45 (1:1). Идан Окран, 58 – аз пеналтӣ (2:1). Амирбек Ҷӯрабоев, 60 (2:2). Фатҳулло Фатҳуллоев, 81 – аз пеналтӣ (2:3).

Аз пеналтӣ тӯбро ба ҳадаф нарасонд: Аҳтам Назаров («Истиқлол»), 4 – дарвозабон баргардонд.

Аз майдон хориҷ шуд: Фахриддин Сафарзода («Кӯктош»), 88 – барои таҳқири сардовар.

Беҳтарин бозигари дидор: Фатҳулло Фатҳуллоев («Истиқлол»).

Сардовар: Гулмуроди Саъдулло (Душанбе).

18 сентябр. Рӯдакӣ. Варзишгоҳи «Нефтяник». 5000 тамошобин.

20 сентябр (панҷшанбе)

Оғози бозӣсоати 16:00

«Барқчӣ» – ССКА «Помир»

Сардовар: Насрулло Кабиров (Норак).

Ҳисор, Варзишгоҳи марказӣ

Мавқеи дастаҳо дар ҷадвали мусобиқа:

Ҷ

ДАСТАҲО

Б

Ғ

М

Б

Т

И

1

«Хуҷанд» (Хуҷанд)

17

13

3

1

37-14

42

2

«Истиқлол» (Душанбе)

17

13

3

1

31-15

42

3

«Кӯктош» (Рӯдакӣ)

17

7

3

7

24-26

24

4

«Регар-ТадАЗ» (Турсунзода)

17

5

4

8

21-23

19

5

ССКА «Помир» (Душанбе)

16

4

7

5

19-26

19

6

«Хатлон» (Бохтар)

17

5

3

9

17-22

18

7

«Панҷшер» (Ҷалолиддини Балхӣ)

17

3

6

8

14-22

15

8

«Барқчӣ» (Ҳисор)

16

2

1

13

10-25

7

Голзанҳои пешқадам: Ҷаҳонгир Эргашев («Хуҷанд») – 9 тӯб, Шериддин Бобоев («Истиқлол») – 7 тӯб, Дилшод Восиев («Истиқлол»), Фарҳод Тоҳиров («Хуҷанд»), Наврӯз Рустамов («Хатлон»/«Регар-ТадАЗ») – 6-тӯбӣ.

Шарҳҳоро бинед (1)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG