Полиси Русия як зиндонии тоиҷкро баъди чор рӯзи фирораш аз маҳбас боздошт кард. Александр Левченко, сухангӯи хадамоти маҳбасҳо дар вилояти Свердловск ба матбуоти Русяи гуфтааст, ки Рӯзибек Ғафуров, шаҳрванди 38-солаи Тоҷикистон аз маҳбаси канораҳои шаҳри Каменск-Уралский фирор кард. Ин ҳодиса рӯзи 30 июл рух дод ва ӯро 2 август боздошт карданд.
Рӯзибек Ғафуров, ба иттилои “Комсомольская правда” барои дуздӣ ба 8 моҳи зиндони низомаш сукунатӣ маҳкум шуда, аз ин мӯҳлат чор моҳашро аллакай сипарӣ карда буд. Ҳоло баъди боздошти ӯ барои фирор аз зиндон ба Ғафуров 3 соли зиндони воқеӣ таҳдид мекунад. Полис гуфт, ки ҳангоми боздошти ин мард дар шаҳри Екатеринбург муқовимат накард ва таслим шуд. Ҳоло сабабҳои фирори ӯ таҳқиқ мешавад.
Рӯзибек Ғафуров то замон маҳкум шуданаш ба зиндон дар деҳаи Шувакиши Екатеринбург зиндагӣ мекард.