Пайвандҳои дастрасӣ

Хабари нав

Гармӣ дар Канада 54 нафарро кушт. Тоҷикистон: гармӣ аз Эрон меояд


Мавҷи гармии бесобиқа дар Канада ҷони 54 нафарро гирифта ва бархеи дигарро дар бемористон бистарӣ кардааст.

Бино ба иттилои Вазорати тандурустии Канада, дар як ҳафтаи охир 54 нафар аз афроди асосан калонсол дар зери таъсири гармои шадид ҷон бохтаанд. Масъулони Вазорати танадурустии Канада рӯзи 6-уми июл дар эъломияе гуфтанд, бештари инҳо афроди аз 65-сола боло ва бархеашон бемор буданд.

Дар ҷараёни як ҳафтаи гузашта ҳарорати ҳаво дар Квебек ва Монтреал то 45 дараҷа боло рафт. Як корманди идораи ҳифзи муҳити зисти Канада гуфтааст, шиддати гармо дар рӯзҳои оянда коҳиш хоҳад ёфт.

Дар ҳамин ҳол, Кумитаи ҳолатҳои фавқулодаи Тоҷикистон ҳам ҳушдор додааст, ки то 10-уми июл ҳаво дар кишвар аз марзи чиҳил дараҷа хоҳад гузашт. Мақомот аз сокинон, бахусус беморони қалб, хостаанд, ки бе зарурат аз хона берун наоянд, чун мумкин ҳарорати тоқатфарсо сабаби нафастангӣ ва авҷ гирифтани бемориҳояшон шавад.

Масъулони Маркази обу ҳавошиносии Тоҷикистон гуфтаанд, ки ин гармӣ аз тарафи Эрон ва тавассути Туркманистону Узбекистон ва шимоли Афғонистон меояд.

Видеоҳои охирин

Ахбори Озодӣ аз 17-уми августи соли 2018
лутфан мунтазир бошед
### Эмбед ###

### Феълан кор намекунад ###

0:00 0:15:00 0:00

Озодӣ дар iOS ва Google Play

XS
SM
MD
LG