Пайвандҳои дастрасӣ

Хабари нав

Генерал Назарзода: "Cӯхторҳо дар шаҳр барқасдона нестанд"


Cӯхтор бар ошхонаи "Роҳат" воқеъ дар рӯбарӯи Корхонаи нассоҷӣ. 24-уми июни соли 2018.

Мақомоти вазорати корҳои дохилии Тоҷикистон мегӯянд, ки чанд сӯхтори ахир дар Душанбе бинобар "беэҳтиётӣ" сар зада ва ба "душманиву рақобат миёни соҳибкорон", рабте надорад.

Давоми камтар аз ду моҳи ахир дар Душанбе беш аз панҷ сӯхтор ба миён омад, ки ба соҳибкорону моликони ошхонаҳо, миллионҳо сомонӣ зиён овард. Дар охирин ҳодисаи оташсӯзӣ, шоми якшанбеи 24-уми июн, ошхонаи маъруфи "Роҳат" воқеъ дар рӯбарӯи Корхонаи нассоҷӣ, ба коми оташ рафт.

Сӯхтори бозору марказҳои савдо ва ресторану ошхонаҳо дар як моҳи ахир танҳо дар шаҳри Душанбе, сокинони пойтахтро ба ташвиш овардааст.

Генерал Шариф Назарзода, сардори Раёсати вазорати умури дохилии Тоҷикистон дар шаҳри Душанбе, рӯзи 25-уми июн дар сӯҳбат бо Радиои Озодӣ гуфт, ки ин ниҳод то ба ҳол ҳини тафтиши сабабҳои оташсӯзиҳо, вуҷуди хусумат ё барқасдона оташ задан ва ё кадом амали душманиву рақобат миёни соҳибони бозору ошхонаҳоро, мушоҳида накардааст.

"Ин нодуруст аст. Вақте саривақт ва аз пеш чораҳои оташнишониро намеҷӯянд ва беаҳамиятӣ мекунанд, дар вақти бештар шудани қувваи барқ ва расиши ноқилҳо, сӯхтор ба амал меояд. Боз мегӯям, ки масъалаи барқасдона то ҳол ба мушоҳида нарасидааст",-афзуд генерал Назарзода.

Сардори Раёсати умури дохилии Тоҷикистон гуфт, ки ба сурати умум мизони оташсӯзиҳо дар соли равон назар ба соли гузашта камтар будааст. Вай дар робита ба охирин ҳодисаи оташсӯзӣ дар ошхонаи "Роҳат" гуфт, ки дар ҳоли ҳозир мутахассисони оташнишонии шаҳр иллатҳои сар задани ҳодисаро меомӯзанд. "Дар бисёр ҳолатҳо беаҳамиятии масъулон ва соҳибони биноҳо боис мешавад, ки сӯхтор ба амал ояд",-афзуд вай

Генерал Шариф Назарзода, сардори Раёсати ВКД дар Душанбе.
Генерал Шариф Назарзода, сардори Раёсати ВКД дар Душанбе.

Сӯхтори бозору марказҳои савдо ва ресторану ошхонаҳо дар як моҳи ахир танҳо дар шаҳри Душанбе, сокинони пойтахтро ба ташвиш овардааст. Ҳафтаи гузашта як маркази савдои мутааллиқ ба соҳибкори эронӣ дар маҳалаи маъруф ба "Водонассос", оташ гирифт.

Аз он пештар дар бозори "Султони Кабир", корхонаи дӯзандагии "Суман", каҳвахонаи туркии "Мерве" ва дар маҳаллаи маъруф ба Комбинати гӯшт (Мясокомбинат) низ сӯхтор ба амал омада буд. Танҳо зиёне, ки бозори "Султони Кабир" аз оташсузӣ дид, севуним миллион сомонӣ ҳисоб карда шуд.

Сабаби аксарияти оташсӯзиҳои солҳои ахир аз сӯи мақомот "расиши ноқилҳо" гуфта мешавад, ки миёни сокинонон шакку тардидеро ба миён меоварад. Дар бархе ҳолатҳо, мардум ин оташсӯзиҳоро ба рақобат миёни соҳибкорон рабт медиҳанд, ҳарчанд далеле барои ин гуфтаҳои худ, ироа намекунанд.

Сӯхтор дар каҳвахонаи "Мерве"

Сӯхтор дар "Мерве"-и Душанбе
лутфан мунтазир бошед
### Эмбед ###

### Феълан кор намекунад ###

0:00 0:01:01 0:00

Андешаи Шумо

Намоиши шарҳҳо

Назари хонандагон

New Comments Available

Агар сухане, назаре ё хабаре доред, ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG