Пайвандҳои дастрасӣ

Президент Ҷеенбеков бо нахустин сафари давлатӣ вориди Чин шуд


Сооронбой Ҷеенбеков рӯзи 6 июн бо нахустин сафари давлатӣ дар мақоми президенти Қирғизистон вориди Чин шуд. Сафари ӯ то 8 июн идома мекунад ва дар рӯзи аввали сафар дидору гуфтугӯи ӯ бо президенти Чин Сӣ Ҷин Пин дар назар аст.

Дар чаҳорчӯби ҳамин сафар Ҷеенбеков дар нишасти сарони кишварҳои узви Созмони ҳамкориҳои Шонгҳой низ иштирок хоҳад кард, ки рӯзҳои 9 ва 10 июн дар шаҳри Тсиндаои Чин доир хоҳад шуд. Дониёр Сидиқов, раиси шӯъбаи сиёсати хориҷии дастгоҳи президенти Қирғизистон дар сӯҳбат бо бахши Қирғизии Радиои Озодӣ рӯзи 6 июн гуфт, дар ҷараёни ин сафар имзои 10 санади ҳамкорӣ бо Чин дар назар гирифта шудааст.

Коршиносони маҳаллӣ дар Қирғизистон изҳори умедворӣ мекунанд, ки яке аз масоили мавриди баррасӣ – бунёди лӯлаи гази “Қирғизистон-Чин” мебошад. Худи созишнома соли 2013 имзо шуда, вале то ҳанӯз амалӣ нашудааст. Қирғизистон аз ҳисоби транзити газ метавонад даромади хуб ба даст оварад, мегӯянд таҳлилгарон. Масъалаи дигар – бунёди роҳи оҳани Чин-Қирғизистон-Узбекистон аст.

Мизони табодули молу коло миёни Чин ва Қирғизистон дар соли 2017 - 1 миллиарду 600 миллион долларро ташкил дод ва Бишкек умедвор аст, ки сафари раиси ҷумҳур метавонад дар тавсеаи ин ҳамкориҳо саҳмгузор шавад.

Видеоҳои охирин

Нозири БДА бо мошинаш як сокини шаҳри Кӯлобро зер кард
лутфан мунтазир бошед
### Эмбед ###

### Феълан кор намекунад ###

0:00 0:02:46 0:00

Озодӣ дар iOS ва Google Play

XS
SM
MD
LG