Пайвандҳои дастрасӣ

Хабари нав

Мухолифони муҳоҷирон дар интихобот пирӯз мешаванд?


Виктор Орбан
Виктор Орбан

Дар Маҷористон интихоботи порлумонӣ шурӯъ шуд ва интизор меравад дар он ҳизби миллатгарои нахуствазир Виктор Орбан, аз мухолифони сарсахти муҳоҷирон пирӯз шавад.

Бино ба пешбиниҳо, мумкин аст, Ҳизби Фидез дар интихоботи рӯзи 8-уми апрел тақрибан 50 дар сади раъйи мардумро ба даст биёрад. Дар сурати пирӯзӣ, Виктор Орбан, ки аз мунтақидони Иттиҳодияи Аврупо ва мухолифони омадани муҳоҷирон ба Маҷористон аст, бори саввум ва паёпай нахуствазири Маҷористон мешавад.

Дар интихобот Ҳизби тундгарои Ҷоббик ва Ҳизби Сотсиалист ҳам ширкат доранд вале ба эҳтимоли ғолиб раъйи ками мардумро ба даст меоранд.

Дар Маҷористон 8 миллиону 300 ҳазор нафар ҳаққи раъй доранд. Виктор Орбан рӯзи 6-уми апрел интихоботро имконе барои мардуми Маҷористон барои “пас гирифтани кишварашон” номид.

XS
SM
MD
LG