Варзишгари рус Александр Крушелнитский, ки бо тасмими Додгоҳи ҳакамии варзишӣ (CAS) дар вайрон кардани қоидаҳои зиддидопинг дар Бозиҳои XXIII зимистонаи олимпӣ дар Пхёнчхан айбдор эълон шуд, аз медали биринҷӣ маҳрум гардид.
Крушелнитский ва ҳамсараш Анастасия Бризгалова медалҳои биринҷии Бозиҳоро, ки дар рақобатҳои ҷуфти омехта оид ба кёрлинг дар навъи дабл-микст ба даст оварда буданд, ба Кумитаи байналмилалии олимпӣ баргардонданд. Бинобар ин, шумораи медалҳои тими варзишгарони олимпӣ аз Русия як адад кам шуд ва бо 12 медал (4 нуқра ва 8 биринҷӣ) дар ҷойи 21-ум қарор дорад.
Дар Олимпиадаи зимистона, ки дар шаҳри Пхёнчхани Кореяи Ҷанубӣ ҷараён доранд, дар дувоздаҳ рӯзи мусобиқот варзишгарони 29 кишвар бо медалҳо мукофотонида шуданд. Мунтахаби Норвегия, ки то рӯзи 23-юми феврал 35 медал (13 тилло, 12 нуқра, 10 биринҷӣ) гирифтааст, дар ҳисоби умумидастаӣ ҳам аз рӯи сифати медалҳо ва ҳам аз рӯи шумораи умумии медалҳо мисли пшин мақоми аввалро касб намудааст.
Олмон, ки 25 медал (13 тилло, 7 нуқра, 5 биринҷӣ) дорад, дар мақоми дувум мебошад. Канада бо 24 медал (9 тилло, 7 нуқра, 8 биринҷӣ) дар ҷойи севум қарор дорад. Иёлоти Муттаҳидаи Амрико (ИМА) бо 21 медал (8 тилло, 7 нуқра, 6 биринҷӣ) ба ҷойи чорум баромад. Ҳолланд бо 17 медал (7 тилло, 6 нуқра, 4 биринҷӣ) ба ҷойи панҷум фуромад.
Аз кишварҳои собиқи шӯравӣ ба ҷуз Русия, дар Олимпиадаи зимистона дар Пхёнчхан варзишгарони Беларус бо 3 медал (2 тилло ва 1 нуқра) ҷойи 13-ум, Украина бо 1 медали тилло ҷойи 20-ум, Латвия ва Қазоқистон бо як медали биринҷӣ ҷойи 27-умро ишғол кардаанд.
Ҳисоби медалҳо
|
Кишвар |
Тилло |
Нуқра |
Биринҷӣ |
Ҳамагӣ |
Дар Бозиҳои XXIII зимистонаи олимпӣ имрӯз, 23-юми феврал, варзишгарон дар қувваозмоиҳои ниҳоӣ барои 4 маҷмуи медалҳо мубориза мебаранд:
Рақси рӯи ях. Занон. Барномаи озод
Фристайл. Занон. Ски-кросс
Конкитозӣ. Мардон. 1000 м
Биатлон. Мардон. Эстафетаи 4х7,5 км
