Пайвандҳои дастрасӣ

Хабари нав

КМИР ҳуҷҷатҳои Навалнийро барои сабти номзадияш қабул кард


Сиёсатмадори мухолифи рус Алексей Навалний шаби якшанбе, 24 декабр ҳамроҳ бо ҷонибдорони худ ба Комисияи марказии интихобот ва раъйпурсии ин кишвар (КМИР) омада, барои сабти номзадияш ба мақоми президентӣ ҳуҷҷатҳои худро пешниҳод кард.

Ӯ пеш аз вуруд ба бинои КМИР гуфт, "наметавонанд моро сабти ном накунанд. Зеро интихоботи бидуни мо интихобот нест". КМИР рӯзи якшанбе ба далели бисёр будани номзадҳо соати корияшро дароз кард.

Навалний изҳори боварӣ кард, ки номзадии ӯро сабти ном хоҳанд кард. Дар КМИР гуфтанд, ки то Соли нав дар ин бора посух хоҳанд дод.

Номзадии Навалнийро ба мақоми президентии Русия рӯзи 24 декабр як қатор гуруҳҳои ташаббускор дар шаҳрҳои гуногуни Русия, аз ҷумла Маскав ва Петербург пешниҳод карда буданд.

Мухолифи рус пештар дар суҳбат бо расонаҳо гуфт, агар номзадии ӯро ба қайд нагиранд, тамоми зерсохторе, ки тайи як соли маъракаҳои таблиғотияш омода кардааст, ба таҳрими интихобот равона хоҳанд шуд.​

Алексей Навалний 24 декабр ҳангоми вохӯрӣ бо интихобкунандаҳо дар шаҳри Маскав изҳор дошт, ки барои пирӯзӣ дар интихобот, тағйири қудрат ва ташкили ҳукумати нав дар Русия талош хоҳад кард.

Навалний ба интихобкунандаҳо гуфт, агар президенти кунунии Русия Владимир Путин бори дигар пирӯз шавад, кишвараш 6 соли дигарро аз даст хоҳад дод. "Шумо, Владимир Путин кишвари моро ба манбаи даромади худу хонавода ва дӯстонатон табдил додаед. Бинобар ин, дигар набояд президент шавед", - афзуд ӯ.

Видеоҳои охирин

Тоҷикистон ба маҳсулоти гӯштӣ андози иловагӣ ҷорӣ мекунад
лутфан мунтазир бошед

No media source currently available

0:00 0:02:03 0:00

Озодӣ дар iOS ва Google Play

XS
SM
MD
LG