Эмомалӣ Раҳмон, президенти Тоҷикистон бо генерал Кеннет МакКензӣ, раҳбари фармондеҳии марказии Иёлоти Муттаҳидаи Амрико мулоқот кардааст.

Дафтари матбуоти прзезиденти Тоҷикистон рӯзи 22-уми октябр хабар дод, ки дар мулоқот масъалаи ҳамкориҳои ду кишвар дар соҳаи амниятӣ ва вазъи Афғонистон баррасӣ гардидааст.

Тибқи хабари Дафтари матбуоти президент, дар ин сӯҳбат ба мавзуи сулҳ дар минтақа ва таҳдиду хатарҳо таваҷҷӯҳи хос шудааст.

Дар як моҳи ахир ин дуюмин сафари мақомоти амрикоӣ ба Тоҷикистон аст.

Аз ин пеш, рӯзи 4-уми октябр Залмай Хализод, фиристодаи ИМА дар умури сулҳи Афғонистон низ ба Тоҷикистон сафар дошт ва гуфт, ки бо мақомоти тоҷик мавзуи сулҳ дар Афғонистонро баррасӣ кардааст.

Тоҷикистон бо Афғонистон беш аз 1400 километр хати марз дорад. Амрико дар ин кишвари ҳамсояи Тоҷикистон ҳузури низомӣ дорад.

Солҳост, ки дар Афғонистон миёни гуруҳи Толибон ва ҳукумат ҷанг давом дорад. Ҳоло бо талошҳои Амрико гурӯҳи Толибон бо ҳукумати Афғонистон дар Қатар сари музи музокирот барои поёни ҷанг нишастаанд.

Мақомоти амрикоӣ ҳангоми сафар ба кишварҳои ҳамсояи Афғонистон мавзуи сулҳу субот дар ин кишварро баррасӣ мекунанд.

Дар пайи як ҳамлаи ҳавоӣ ба масҷиде дар вилояти Тахор, шимоли Афғонистон, 12 кӯдак кушта ва чанд тани дигар маҷрӯҳ шуданд. Тибқи иттилои мақомоти расмии Афғонистон, ҳамла рӯзи 21 уми октябр дар ноҳияи Баҳорак, 15 километрии маркази вилояти Тахор рух дод.

Муҳаммад Аъзами Афзалӣ, муовини Шӯрои ин вилоят гуфтааст, субҳи он рӯз дар як бархурд бо Толибон даҳҳо корманди нерӯҳои амнияти Афғонистон кушта шуданд. Ба гуфтаи Муҳаммад Аъзами Афзалӣ пас аз дарёфти хабари панаҳ бурдани Толибон дар масҷид як ҳавопаймоӣ низомӣ онро бомбборон кардааст.

Мақомоти амниятӣ ҳанӯз дар ин бора изҳори назар накардаанд ва маълум нест, ки зарба аз сӯйи нерӯҳои афғон анҷом шуд ё хориҷӣ. Афзалӣ мегӯяд, ҷангиён аллакай масҷидро тарк кардаанд.

"Тулӯъ нюс" аз қавли як манбаи худ навиштааст, ки ҳамлаи ҳавоӣ як мадрасаро ҳадаф қарор дода буд.

Ба гуфтаи мақомоти маҳаллӣ, Толибон дар деҳаи Масҷиди Сафеди Баҳорак ба нерӯҳои амниятӣ ҳамла карданд. Дар ин даргирӣ аз ҷониби Толибон ҳам нафарони зиёде кушта шудаанд.

Толибон бо вуҷуди музокироти сулҳ, ки 12 сентябр оғоз ёфт, аз риояи оташбаси саросарӣ сарпечӣ карданд ва нооромӣ дар ин кишвар идома дорад.

Бино ба иттилои Комиссариати олии Созмони Милал дар умури паноҳандагон дар як моҳи ахир, дар пайи ҳамлаҳои хунини Толибон дар вилояти ҷанубии Ҳилманд, ҳудуди 40,000 сокин маҷбур шудаанд, хонаҳои худро тарк кунанд.

Каролин Ван Бурен, намояндаи СММ дар умури паноҳандагон дар Афғонистон гуфт: “Бурида шудани хати алоқа, хатари истифода аз дастгоҳҳои тарканда ва идомаи бастани шоҳроҳи байни Қандаҳор ва Ҳилманд пас аз хароб шудани чанд пул мушкилотро афзуда истодааст".

Намояндагии СММ дар Афғонистон ҳалокати 1280 шаҳрванди Афғонистонро дар нимсолаи аввали имсол сабт кардааст, ки асосан дар натиҷаи даргириҳо миёни нерӯҳои ҳукумати Афғонистон ва Толибон кушта шудаанд

Талант Мамитов, вакили порлумони Қирғизистон аз ҳизби "Республика-Ота Ҷурт" пешниҳод дорад, ки интихоботи порлумонӣ дертар баргузор шавад.

"Бо назардошти вазъи сиёсӣ ва беҳдоштии кишвар мо бояд роҳи дурустро интихоб кунем, мо ба муҳлат ниёз дорем то ин ки ба фикри мушаххасе бирасем. Тағйири Конститутсия вақт мехоҳад. Аз ҳамин хотир пешниҳод дорем, ки интихобот дертар баргузор шавад", - гуфт Мамитов.

Омурбек Текебоев, раиси ҳизби "Ота Макон" ҳам аз ин пешниҳод ҷонибдорӣ кард.

Порлумони он кишвар ахиран тағйирот ба қонунгузории интихоботиро қабул кард. Бино ба тағйирот, фоизи касби раъй барои вуруд ба порлумон 3 дарсад ва кафолати интихоботӣ 1 миллион сом таъйин шуд.

Дар Бишкек сокинон рӯзи 5-уми октябр дар робита ба натиҷаи интихоботи порлумонии рӯзи 4-уми октябр гирдиҳамоӣ ташкил карданд. Ширкатдорон бекорсозии натиҷаҳои интихобот ва баргузории раъйдиҳии такрориро талаб доштанд. Шоми 5 ба 6-уми октябр гирдиҳамомадагон Кохи сафед ва чанд бинои мақомоти қудратиро ғасб ва бархе аз маҳбусон, аз ҷумла Содир Ҷабборовро аз зиндон озод карданд.

Комисияи интихоботӣ рӯзи 6-уми октябр натиҷаи интихоботи порлумониро бекор кард.

Сооронбой Ҷеенбеков, президенти Қирғизистон рӯзи 15-уми октябр истеъфо дод. Раиси порлумон он кишвар Қанотбек Исоев аз иҷрои вазифаҳои президент даст кашид ва ба ин тартиб, сарвазир Содир Ҷабборов ҳамзамон салоҳиятҳои президентро соҳиб шуд.

Мақомоти тандурустии Қазоқистон рӯзи 22 октябр хабар доданд, ки дар як рӯзи охир дар кишвар 141 ҳолати нави гирифторӣ ба вабои коронавирус сабт шудааст.

Ба иттилои расмӣ, шумори умумии гирифторони вабои коронавирус ба 109 ҳазору 907 расидааст.

Дар Қазоқистон шуруъ аз 1 август гирифторони илтиҳоби монанд ба коронавирусро аз гирифторони вабои коронавирус алоҳида ба ҳисоб мегиранд. Мақомоти Қазоқистон гуфтанд, то ин замон 36 ҳазору 200 кас ба ин навъи илтиҳоб гирифтор шудааст.

Масъулони Вазорати рушди инноватсионии Узбекистон барои гузаронидани озмоиши клиникии воксинаи зидди коронавирус ё "Covid-19" дар ин кишвар бо намояндагони Пажӯҳишгоҳи микробиологии Академияи улуми Чин ва Anhui Zhifei Longcom Biopharmaceutical гуфтугӯеро анҷом додаанд.

Дар вазорат 22 октябр гуфтанд, дар сурати анҷоми комёби ҳамаи марҳалаҳои озмоиши клиникӣ дар рафти гуфтугӯҳо Узбекистон нахустин кишваре хоҳад шуд, ки воксинаи зидди коронавирусро арзон мехарад.

Коршиносони вазорат бо шарикони чинии худ ташкили раванди воксингузаронӣ ва омодагиҳо ба онро баррасӣ кардаанд.

Иштирок дар озмоиши клиникии воксина озод буда, дар он аз 18-солаҳо боло метавонанд ширкат варзанд. Мутахассисони Чин пеш аз оғози озмоиши клиникӣ як қатор давраҳои омӯзишиеро роҷеъ ба шартҳои воксингузаронӣ баргузор хоҳанд кард.

Расонаҳо 29 сентябр хабар доданд, ки ҳукумати Узбекистон дар робита ба баргузор кардани марҳалаи ниҳоии озмоиши воксинаи зидди коронавирус бо ду ширкати чинӣ созишнома имзо кардааст.

Бунёди сармоягузории бевоситаи Русия 25 сентябр эълом кард, ки барои интиқоли 35 миллион мояи воксинаи зидди коронавирус - "Sputnik V" ба Узбекистон бо ширкати Laxisam Pharmaceuticals қарордод бастааст.

Дар натиҷаи як ҳамлаи ногаҳонӣ дар вилояти Тахори Афғонистон даҳҳо маъмури амниятӣ кушта шуданд.

Мақомот гуфтанд, хунрезӣ кори дасти Толибон аст. Теъдоди аниқи қурбониён маълум нест, вале он маргбортарин ҳамла баъди оғози музокироти деринтизори Толибону намояндагони ҳукумати Афғонистон ба шумо меравад, ки ду тараф моҳи сентябр дар Қатар оғоз карданд.

Ҷавод Ҳиҷрӣ, сухангӯи ҳукумати вилояти Тахор гуфт, ки ҳамла шаби 20-ум ба 21-уми октябр сурат гирифтааст ва ҷанг байни маъмурони амниятӣ ва ҳамлаварон соатҳо идома ёфтааст.

Ба қавли ӯ, дар ин ҷанг 25 нафар кушта шудаанд ва муовини сардори идораи пулис низ ҷон додааст.

Ҷавод Ҳиҷрӣ афзуд: “Толибон дар хонаҳои атрофи минтақае мавқеъ гирифта ва ба нерӯҳои мо, ки дар онҷо амалиёт анҷом медоданд, ҳамла карданд.”

Толибон масъулияти ҳамларо мустақим бар дӯш нагирифтанд, вале гуфтанд, ки ҷангҷӯёнаш бо “душман вориди даргирӣ шудаанд”, то аз онҳо барои амалиёт ба зидди гуруҳ дар Тахор қасос бигиранд.

Раҳим Дониш, сартабиби шифохонаи марказии Тахор гуфт, ба шифохона 36 ҷасад овардаанд ва 8 маъмури амниятӣ ҳам захмӣ шудаанд.

Амир Муҳаммад Хоксор, вакили вилояти Тахор гуфтааст, ки дар ҷанг 47 маъмури амниятӣ ҷон додаанд. Ва чанде пеш Ҳизби исломии Афғонистон, ки раҳбарии онро Гулбиддин Ҳикматёр, яке аз ҷангсолорони бадномшуда бар душ дорад, бо як баёнияе мардуми Афғонистон ва сиёсатмадорони дигарро ҳайратзада кард, ҳарчанд баъдан аз ин баёния фосила гирифт.

Ҳизб гуфт, омода аст, дар сурати муроҷиати Озарбойҷон аъзояшро барои ҷанг ба зидди Арманистон ба Қаробоғи Куҳӣ фиристад. Онгуна ки бахши дарии Радиои Озодӣ гузориш медиҳад, ба истилоҳ муҷоҳиддини афғон дар гузашта дар ҷанг ба зидди Арманистон ширкат кардаанд.

Ҳамаи гаравгонҳоеро, ки дар "Бонки Гурҷистон" дар шаҳри Зугдидии ин кишвар гирифта шуда буданд, озод карданд. Вазорати умури дохилии Гурҷистон гуфт, касе аз гаравгонҳо осеб надидааст.

Шахси ношиносе, ки дар Бонки Гурҷистон 43 касро ба гарав гирифта буд, дар натиҷаи гуфтугӯ розӣ шудааст, то бештари гаравгонҳоро бар ивази таслим шудани сардори пулиси минтақаи Самегрело-Верхняя-Сванетӣ Автандил Галдава озод кунад.

Ҳамлагар дертар ҳамроҳи се гаравгон ва Галдава бинои бонкро тарк кард. Кормандони пулис тавонистанд ӯро ба озод кардани гаравгонҳои боқӣ розӣ кунонанд. Ба иттилои "Рустави 2", худи ҳамлагар дар озодӣ буда, ба ҷои номаълуме паноҳ бурдааст.

Ин марди мусаллаҳи ниқобпӯш 21 октябр ба бинои "Бонки Гурҷистон" дар Зугдидӣ ворид шуда, 43 корманд ва муштарии бонкро ба муддати беш аз ҳафт соат ба гарав гирифт ва 500 ҳазор доллар талаб кард.

Ҳамлагар дар баробари пул чархбол ё имкони сафари амн бо автобусро ҳамроҳи гаравгонҳо талаб намуд. Ӯ баъди гирифтани пул ба ҷуз аз се гаравгон, боқиро озод карда, бо мошине Зугдидиро тарк кард.

Пулиси Гурҷистон дар робита ба ин ҳодиса бо моддаҳои "Ғоратгарӣ", "Нигаҳдории ғайриқонунии силоҳ " ва "Шиканҷа" парванда боз кардааст. Банди охир ҳабси якумриро пешбинӣ мекунад.

Кумитаи амнияти миллии Қирғизистон боздошти соҳибнуфузи олами ҷиноӣ Қамчӣ Колбоевро тасдиқ кард. Ба огаҳии кумита, дар рафти чорабиниҳо барои пешгирӣ аз фаъолияти гуруҳҳои муташаккили ҷиноӣ зидди Колбоев маълумотҳо ошкор шудааст.

Колбоев 22-юми октябр ба Раёсати тафтишотии Кумитаи амнияти миллии Қирғизистон интиқол ёфта, ба зидди ӯ бо банди "Ташкили гуруҳи муташаккили ҷиноӣ ё иштирок дар фаъолияти он" парванда кушода шудааст.

Пештар дар шабакаҳои иҷтимоӣ хабар дода шуд, ки Колбоевро 22-юми октябр дар яке аз бошгоҳҳои варзишии шаҳри Бишкек боздошт кардаанд.

Қамчибек Тошиев 16-уми октябр, баъди таъйин шуданаш ба мақоми раиси Кумитаи амнияти миллии Қирғизистон гуфт, ки агар фаъолиятҳои ҷиноии Колбоев тасдиқ шаванд, ӯ ба ҷавобгарӣ кашида хоҳад шуд.

Қамчӣ Колбоев дар қайди Вазорати умури дохилии Қирғизистон ҳамчун раҳбари гуруҳи муташаккили ҷиноӣ қарор дошт. Ба ҳисоби вазорат, соли 2018 шумори аъзои гуруҳи вай ба 424 мерасид.

Президенти пешини Амрико Барак Обама соли 2012 номи Колбоевро ба "рӯйхати сиёҳ"-и ҳафт қочоқбари бузургтарин шомил кард. Департаменти давлатии ИМА, барои маълумоте, ки "боиси ба ҳам задани механизмҳои молӣ"-и Колбоев мешавад, то миллион доллар мукофот пешниҳод намуд.

Колбоев дар баробари 10 соҳибнуфузи олами ҷиноии кишварҳои пешини шӯравӣ дар "рӯйхати сиёҳ"-и Вазорати адлияи ИМА низ қарор дорад.

Мақомоти Ҷумҳурии Чех рӯзи 22 октябр гуфтанд, ки шумори рекордии гирифторони коронавирусро дар 24 соати гузашта сабт кардаанд.

Ба гуфтаи мақомоти Чех, шабонарӯзи гузашта наздики 15 ҳазор нафар ба коронавируси нав гирифтор шудаанд, ки ин боиси андешидани тадбирҳои шадидтар шудааст.

Ҳукумати Ҷумҳурии Чех як силсила амру фармонҳое содир кард, ки дар шароити афзоиши бесобиқаи ҳодисаҳои олудагӣ ба коронавирус дар ин кишвари аврупоӣ маҳдудиятҳои нав ҷорӣ мешавад.

Нахуствазир Андрей Бабиш дар нишасти матбуотии рӯзи 21-уми октябр гуфт, ки то 3-юми ноябр фурӯшгоҳҳои аз назари аҳамият дуюмдараҷа баста шуда, ҳаракати одамон ба ҷуз дар ҳолатҳои зарурии мисли рафтан ба кор, хона ва ё хариди хӯроку доруворӣ манъ мешавад.

Бабиш гуфт: “Барои қабули қарор дар бораи ҷорӣ кардани маҳдудиятҳои нав мо хеле фикр кардем, вале ба назари ман, пеш аз ҳама ва муҳимтар аз ҳама ин аст, ки мо ҷони ҳамватанони худро ҳифз кунем. Ин далели асосии қабули чунин қарор буд”.

Тадбирҳои нави маҳдудкунанда дар ҳоле гирифта шуданд, ки мақомоти беҳдоштӣ рӯзи 21-уми октябр гуфтанд, дар як шабонарӯзи гузашта дар саросари Ҷумҳурии Чех наздики 12 ҳазор нафари нав ба коронавирус гирифтор шудаанд.

Дар як ҳафтаи охир дар саросари Ҷумҳурии Чех 464 нафар қурбони коронавирус шуда, шумори умумии талафоти инсонҳо ба 1619 нафар расид. Дар маҷмӯъ дар саросари ин кишвар то ҳол тахминан 194 ҳазор нафар ба коронавирус гирифтор шудаанд ва ин омор барои кишваре бо 10,7 миллион аҳолӣ хеле баланд ба шумор меравад.

Вазири беҳдошт Роман Примула гуфт, ки пешбинӣ мешавад дар таърихҳои 11-уми ноябр авҷи олудагӣ ба коронавирус дар ин кишвар мушоҳида шавад.

Созмони ҷаҳонии муҳоҷират бо пахши як иттилоия гуфт, ки талош дорад барои ба ватан бозгардонидани 180 муҳоҷири тоҷики бандамонда дар марз мусоидат кунад. Ба қавли созмон шаҳрвандони Тоҷикистон дар гузаргоҳи Жибек Жолии воқеъ дар марзи Қазоқистон ва Узбекистон мунтазири интиқол ба ватан ҳастанд.

Ин муҳоҷирон бинобар маҳдудиятҳои вобаста ба COVID-19 Қазоқистонро тарк карда наметавонанд ва дар ин кишвар бидуни манбаи рӯзгузаронӣ мондаанд.

Созмони ҷаҳонии муҳоҷират меафзояд, то имрӯз бозгардонидани муҳоҷирони дармонда дар марзҳо тариқи роҳи заминӣ, бинобар ҳамкории ниҳодҳои марбутаи Қазоқистону Узбекистон ва Тоҷикистон имконпазир шудааст.

Бар пояи раддабандии нави Speedtest Global Index, суръати интернет дар Тоҷикистон беҳтар шудааст. Дар арзёбии ин созмон, ки суръати интернети мобилӣ дар 138 кишвари ҷаҳонро таҳқиқ кардааст, Тоҷикистон дар мавқеи 127-ум қарор гирифтааст. Ин нишондод нисбати соли гузашта 6 зина болотар аст. Аз рӯи интернети ноқилӣ низ мавқеи Тоҷикистон беҳтар шуда, байни 170 давлат дар ҷойи 90-ум аст.

Бо ин вуҷуд шикояти корбарон аз сифат ва суръати интернет дар кишвар кам нашудааст. Онҳо мегӯянд, ҳар моҳ 50 ё 100 сомонӣ ва бештар аз он пул медиҳанд, аммо вақти мурур дар Интернет бояд дақиқаҳои зиёд мунтазир шаванд. Баъзан интизорӣ ҳам барҳадар меравад ва на вебсайте боз мешаваду на видеое.

Ба назари бархе аз огоҳони умур дар бозори мухобиротӣ фазое ба вуҷуд омадааст, ки ширкатҳо барои беҳтар кардани суръат ва сифати интернет дасткӯтоҳанд. Сабабаш молиёти зиёд бастани ширкатҳои мобилӣ ва равзанаи ягонаи Интернет аст.

Як шаҳрванди Тоҷикистонро дар фурудгоҳи Домодедоваи Маскав барои талоши интиқоли маблағи нақдӣ боздошт кардаанд. Бино ба маълумоти хадамоти гумруки ин фурудгоҳ дар долони сабз ба ҳангоми тафтиши мусофирони хатсайри Маскав-Душанбе аз боғоҷи марди тоҷик 125 ҳазор доллари амрикоӣ ва 12 ҳазор рубли русиро пайдо кардаанд. Тибқи қонунҳои амалкунанда ба ҳангоми интиқоли маблағи нақди беш аз 10 ҳазор доллар бояд соҳиби пул эъломияи гумрукӣ пур кунад. Хадамоти гумрук дар хабарномааш навиштааст, ки дар ҳолати бо худ доштани беш аз 100 ҳазор доллар, бояд сарчашмаи ин маблағҳо дар санаде ба мақомоти гумрукӣ пешниҳод гардад.

Як рӯз баъди боздошту ба ҳабси хонагӣ гирифта шудани собиқ мақомдори Кумитаи гумрук, иҷрокунандаи вазифаи президенти Қирғизистон Содир Ҷабборов (Ҷапаров) ба собиқ мақомдороне, ки аз роҳи коррупсия сарватманд шудаанд, “афви иқтисодӣ” ваъда дод.

Бар асоси изҳороти рӯзи 21-уми октябри Ҷабборов, афв ба ҳама собиқ мақомдорон марбут мешавад, ки дар соҳаҳои “барқ, гумрук, андоз, дорусозӣ, литсензиядиҳӣ ва канданиҳои фоиданок” кор кардаанд.

Ҷабборов ба чунин мақомдорони аз роҳи коррупсия сарватмандшуда 30 рӯз мӯҳлат дод, ки пулҳоро баргардонанд, то ки мавриди афви маъмурӣ ва иқтисодӣ қарор бигиранд.

Ин таҳаввулот як рӯз баъди он аст, ки Кумитаи давлатии амнияти миллии Қирғизистон гуфт, Матраимов, шарики президенти собиқ Сооронбой Ҷеенбеков дар чаҳорчӯби тафтиши парвандаи коррупсионӣ боздошт ва баъдан ба ҳабси хонагӣ гирифта шуд.

Котиби Комиссияи марказии интихоботии Қазоқистон Сабина Мустафина 21 октябр хабар дод, ки дар интихоботи вакилони маҷлис, палатаи поёнии порлумони ин кишвар 15,3 миллиард танга (наздики 35 миллиону 755 ҳазор доллар) харҷ мешавад.

Ба гуфтаи ӯ, маъракаҳои пешазинтихоботӣ аз ҳисоби буҷаи ду сол баргузор карда мешаванд.

Харҷномаи соли 2020 ба ҳукумат пешниҳод шудааст, ки 10,8 миллиард тангаро ташкил медиҳад. Бо наздики 7,3 миллиард тангаи он маоши 70 681 узви комиссияи интихоботӣ пардохт мешавад. 3,5 миллиард тангаи боқӣ ба корҳои созмондиҳӣ масраф хоҳад шуд.

Харҷҳо барои соли 2021 дар доираи қонуни буҷаи ҷумҳуриявӣ барои солҳои 2021-2023 4,5 миллиард танга пешбинӣ шудааст. Ҳамаи ин маблағ ба пардохти маоши аъзои комиссияи интихоботӣ равона мегардад.

Президенти Қазоқистон Қосимҷомарт Тоқаев санаи интихоботи аъзои маҷлис, палатаи поёнии порлумони ин кишварро 10 январи соли оянда таъйин кард.

Муҳлати ваколати маҷлиси кунунии Қазоқистон моҳи марти соли оянда ба поён мерасад. Дар маҷлиси кунунӣ аксари курсиҳо (84 курсӣ)-ро аъзои ҳизби ҳоким ба раҳбарии президенти пешин Нурсултон Назарбоев дар ихтиёр доранд. Дар маҷлис ду ҳизби рӯ ба ҳукумат - "Оқ жол" ва Ҳизби коммунистии Қазоқистон низ намояндагони худро доранд.

Аз 107 вакили маҷлис 98 танашон бар асоси рӯйхати ҳизбӣ ва боқӣ тавассути Ассамблеяи мардуми Қазоқистон баргузида мешаванд. Ин ассамблея як ниҳоди машваратиест, ки Нурсултон Назарбоев ҳаққи як умр раҳбарӣ кардани онро дорад.

Дар Қазоқистон баъди қабули Конститутсия дар соли 1995 ва ташкили порлумони дупалатаӣ ягон интихоботи вакилони маҷлис дар муҳлати муқарраршуда баргузор нашудааст.

Сарвазири Арманистон Никол Пашинян гуфт, низои Қарабоғи Куҳӣ аз роҳи дипломатӣ ҳал нахоҳад шуд.

"Амали баъдии мо мубориза то охир аст", - изҳор дошт ӯ дар як пахши мустақим тавассути саҳифаи шахсиаш дар Фейсбук. Ӯ аз шаҳрдорони Арманистон даъват кард, ки гуруҳҳои ихтиёриёнро ташкил кунанд ва аз сокинон хост, "дар даст силоҳ бигиранд".

Ёвари президенти Озарбойҷон Ҳикмат Гаҷиев гуфт, суханҳои Пашинян нишон медиҳанд, ки Ереван намехоҳад низои Қарабоғи Куҳӣ аз роҳи гуфтугӯ ҳал шавад.

Изҳороти Пашинян дар пасманзари идомаи гуфтугӯҳо барои ҳалли низои Арманистону Озарбойҷон садо дод. Президенти Арманистон Армен Саркисян ба Брюссел рафта, бо намояндагони НАТО ва Иттиҳоди Аврупо вохӯрд ва вазирони умури хориҷии Озарбойҷону Арманистон барои гуфтугӯ ба Москва сафар карда, дар алоҳидагӣ бо ҳамтои руси худ Сергей Лавров мулоқот ва шартҳои қатъи даргириҳо дар Қарабоғро баррасӣ намуданд.

Раҳбарони кишварҳои ҷаҳон Арманистону Озарбойҷонро ба қатъи даргириҳо длаъват карданд. Вале Боку ва Ереван 21 октябр хабар доданд, ки оташкушоиҳо идома доранд.

Вазъ дар Қарабоғи Куҳӣ субҳи 27 сентябр якбора шиддат гирифт. Дар ин минтақа амалиёти низомӣ шуруъ шуд. Дар Арманистону Озарбойҷон вазъи низомӣ эълом гардид. Ҳар ду кишвар аз талафоти ҷонӣ ва ҷароҳат бардоштани шаҳрвандонашон хабар медиҳанд ва ҳамдигарро дар ташдиди вазъ айбдор мекунанд.

Низои Озарбойҷону Арманистон бар сари Қабароғи Куҳӣ аз охирин солҳои мавҷудияти Иттиҳоди Шӯравӣ идома дорад. Минтақаи мазкур, ки бештари бошандагонаш арманӣ ҳастанд, дар соли 1991 эълом кард, ки аз Озарбойҷон ҷудо ва мустақил мешавад. Аммо ҳеч кадом давлати дунё ин минтақаро эътироф накард.

Вазорати тандурустии Тоҷикистон бо Созмони Ҷаҳонии Тандурустӣ (WHO) созишномаи ҳамкории дусола баст, ки дар баробари муқобила бо коронавируси нав, мубориза бо бемориҳои дигари сироятӣ ва вазъи эпидемиологиро дар бар мегирад.

Имзои созишнома рӯзи 20-уми октябр ба таври онлайн сурат гирифт. Созишномаро аз Душанбе вазири тандурустии Тоҷикистон Ҷамолиддин Абдуллозода ва аз Аврупо Ҳанс Клуге, раҳбари дафтари аврупоии Созмони Ҷаҳонии Тандурустӣ имзо кардаанд.

Дафтари аврупоии СҶТ масъули кор бо Тоҷикистон ҳам мебошад.

Ҷузъиёти созишнома дастрас нест. Бино ба иттилои дарёфтии Радиои Озодӣ, вазир Абдуллозода гуфтааст, “нақши ёрирасони СҶТ барои татбиқи Стратегияи миллии рушди кишвар то соли 2030 хеле муҳим хоҳад буд”. Вай Созмони Ҷаҳонии Тандурустиро “шарики стратегӣ ва махсусан муҳим” номида, афзудааст, ҳадафи ҳамкориҳо “фарогирии аҳолӣ бо хадамоти тиббӣ мебошад”.

Ҷамолиддин Абдуллозода гуфтааст: “Дар як муддати хеле кӯтоҳ бо шарофати кӯшишҳои Шумо имкон фароҳам омад, ки тамоми захираҳо ва потенсиалҳо барои мубориза бо пандемияи COVID-19 дар кишвар сафарбар карда шаванд. Айни замон миссияи СҶТ оид ба пурзӯр намудани хадамоти лабораторӣ ва назорати сироятӣ дар муассисаҳои тиббии кишвар фаъолияташро идома медиҳад”.

Зимнан, моҳи сентябри имсол Бахтигул Карриева, раҳбари намояндагии СҶТ дар Тоҷикистон ба Радиои Озодӣ гуфта буд, дар самти ташкили озмоишгоҳҳо пешрафте ҳосил шудааст.

Ба қавли ӯ, “дар оғози пандемияи фарогир ҳамагӣ як озмоишгоҳ барои ташхиси бемории ҳамагир вуҷуд дошт ва ҳоло 8 чунин озмоишгоҳ амал мекунанд. Аз ин ҳашт озмоишгоҳ чаҳортои он дар пойтахт – шаҳри Душанбе ва чаҳори дигар дар минтақаҳо ҷойгиранд”.

Ҷузъиёти аз ин беш дар даст нест. Аз ҷумла, маълум нест, ки миқдори пули барномаи нави ҳамкории Тоҷикистон ва СҶТ чӣ қадар аст.

Созмони Ҷаҳонии Тандурустӣ як ниҳоди вобаста ба Созмони Милали Муттаҳид буда, аз соли 1992 инҷониб дар Тоҷикистон кор мекунад. Вазифаи асосии дафтари созмон дар Душанбе “вокуниш ба дархостҳои ҳукумат дар заминаи эҷоди сиёсати босуботи беҳдоштӣ” мебошад.

Расидагӣ ба мушкилоти мисли эмкунӣ бар зидди бемориҳои сангин, назорати вазъи эпидемиологӣ, кумак барои кам кардани паҳншавии HIV/СПИД, сил, амнияти ғизо аз доираи асосии кори созмон ба шумор меравад.

Вале мавзеъгирии масъулони дафтари созмон дар масъалаи мавҷудияти COVID-19 дар Тоҷикистон (баҳори имсол) дар дохил ва хориҷи кишвар танқиди зиёд шунид.

Бахусус мудири дафтари созмон дар Тоҷикистон барои пуштибонӣ аз мавқеи Вазорати беҳдошт ва ҳукумат, ки то охири моҳи апрел мегуфтанд, “дар Тоҷикистон ҳолатҳои олудагӣ ба COVID-19 вуҷуд надорад”, мавриди интиқоди сахт қарор гирифт.

Бо гузашти ним сол аз он танқидҳо ҳоло ҳам бовар меравад, ки мақомот омори воқеӣ ва шиддати паҳншавии коронавирусро дар Тоҷикистон пурра ошкор намекунанд.

Ҳукумати Ҷумҳурии Чех як силсила амру фармонҳое содир кард, ки дар шароити афзоиши бесобиқаи ҳодисаҳои олудагӣ ба коронавирус дар ин кишвари аврупоӣ маҳдудиятҳои нав ҷорӣ мешавад. Нахуствазир Андрей Бабиш дар нишасти матбуотии рӯзи 21-уми октябр гуфт, ки то 3-юми ноябр фурӯшгоҳҳои аз назари аҳамият дуюмдараҷа баста шуда, ҳаракати одамон ба ҷуз дар ҳолатҳои зарурии мисли рафтан ба кор, хона ваё хариди хӯроку доруворӣ манъ мешавад. Бабиш гуфт:

“Барои қабули қарор дар бораи ҷорӣ кардани маҳдудиятҳои нав мо хеле фикр кардем, вале ба назари ман, пеш аз ҳама ва муҳимтар аз ҳама ин аст, ки мо ҷони ҳамватанони худро ҳифз кунем. Ин далели асосии қабули чунин қарор буд”.

Тадбирҳои нави маҳдудкунанда дар ҳоле гирифта шуданд, ки мақомоти беҳдоштӣ гуфтанд, дар як шабонарӯзи гузашта дар саросари Ҷумҳурии Чех наздики 12 ҳазор нафари нав ба коронавирус гирифтор шуданд. Дар як ҳафтаи охир дар саросари Ҷумҳурии Чех 464 нафар қурбони коронавирус шуда, шумори умумии талафоти инсонҳо ба 1619 нафар расид. Дар маҷмӯъ дар саросари ин кишвар то ҳол тахминан 194 ҳазор нафар ба коронавирус гирифтор шудаанд ва ин омор барои кишваре бо 10,7 миллион аҳолӣ хеле баланд ба шумор меравад. Вазири беҳдошт Роман Примула гуфт, ки пешбинӣ мешавад дар таърихҳои 11-уми ноябр авҷи олудагӣ ба коронавирус дар ин кишвар мушоҳида шавад.

Як рӯз баъди боздошту ба ҳабси хонагӣ гирифта шудани собиқ мақомдори Кумитаи гумрук, иҷрокунандаи вазифаи президенти Қирғизистон Содир Ҷабборов (Ҷапаров) ба собиқ мақомдороне, ки аз роҳи коррупсия сарватманд шудаанд, “афви иқтисодӣ” ваъда дод. Бар асоси изҳороти рӯзи 21-уми октябри Ҷабборов, афв ба ҳама собиқ мақомдорон марбут мешавад, ки дар соҳаҳои “барқ, гумрук, андоз, дорусозӣ, лисензиядиҳӣ ва канданиҳои фоиданок” кор кардаанд. Ҷабборов ба чунин мақомдорони аз роҳи коррупсия сарватмандшуда 30 рӯз мӯҳлат дод, ки пулҳоро баргардонанд, то ки мавриди афви маъмурӣ ва иқтисодӣ қарор бигиранд. Ин таҳаввулот як рӯз баъди он аст, ки Кумитаи давлатии амнияти миллии Қирғизистон гуфт, Матраимов, шарики президенти собиқ Сооронбой Ҷеенбеков дар чаҳорчӯби тафтиши парвандаи коррупсионӣ боздошт ва баъдан ба ҳабси хонагӣ гирифта шуд.

Президенти Арманистон Армен Саркисян барои музокира бо мақомоти Иттиҳоди Аврупо ва НАТО ба Брюссел сафар кард, дар ҳоле, ки вазирони хориҷаи Озарбойҷон ва Арманистон дар Маскав қарор доранд, то роҳҳои дипломатии хатми даргириҳо дар минтақаи ҷудоиталаби Қаробоғи Кӯҳиро баррасӣ кунанд. Дар паи шурӯи даргириҳои нав дар минтақа аз 27-уми сентябр то ҳол садҳо низомиёну афроди мулкӣ кушта шуданд. Вазорати хориҷаи Озарбойҷон дар изҳороте рӯзи 21-уми октябр гуфт, ки вазир Ҷейҳун Байрамов ба хотири “машваратҳо бо ҷониби Русия" ба Маскав парвоз кард. Ҳамкори армании ӯ Зоҳраб Мнатсаканян қарор аст бо вазири хориҷаи Русия Сергей Лавров дидору гуфтугӯ кунад. Маълум нест, ки оё ду вазир бо ҳам мулоқоти рӯбарӯ барпо мекунанд ё на. Баъди ин қарор аст Байрамов ва Мнатсаканян ба Вашингтон бираванд. Он ҷо 23-уми октябр бо ширкати котиби давлатии ИМА Майк Помпео музокирот ба хотири хатми низоъ барпо мешавад. ИМА, Фаронса ва Русия узви Гурӯҳи Мински САҲА мебошанд. Ин гурӯҳ соли 1994 ташкил шуда, ҳадафаш дастёбӣ ба оташбас дар Қаробоғи Кӯҳӣ аст, вале то ҳол талошҳояш бенатиҷа будааст. Дар ҳамин ҳол, рӯзи 21-уми октябр ҳарду ҷониб аз даргириҳои нав дар дохил ва атрофи Қаробоғи Кӯҳӣ гузориш доданд ва оташбаси дуюми миёни ҷонибҳо ҳосилшуда таҳти хатар мебошад.

Таҳқиқоти гурӯҳи бо номи Conflict Intelligence Team (CIT) мегӯяд, ки дар минтақаи ҷудоиталаби Қаробоғи Кӯҳӣ аз ҷониби Озарбойҷон зархаридони суриягӣ меҷанганд, вале ин иттилоъро Боку рад мекунад. Кавказ.Реалии. мегӯяд, дар ин бора дар гузориши рӯзи 21-уми октябр нашршудаи CIT гуфта шудааст. Аз ин пеш дар шабакаҳои иҷтимоӣ наворҳои видеоӣ нашр шуд, ки эҳтимолан аз ҷониби худи зархаридҳо ба интернет ҷой дода шудаанд. Дар наворҳо сӯҳбат ба забони арабӣ ба гӯш мерасад ва худи ҷангиён бо либоси марзбонҳои Озарбойҷон дида мешаванд. Коршиносони CIT гуфтанд, ки корбарони шабакаҳои иҷтимоӣ мушаххас кардаанд, ки воқеан ҳам ин наворҳо дар қаламрави зери контроли Озарбойҷон бардошта шудаанд. Аз ҷумла, зархаридҳои суриягӣ дар қисмати ҷанубии ҷабҳа дида шудаанд, ки рӯзҳои охир он ҷо барои минтақаи аҳолинишини Гадрут ҷангҳо идома дошт. Қаблан дар бораи ширкати эҳтимолии зархаридҳои суриягӣ матбуоти ҷаҳонӣ ҳам хабар дода буд. Аз ҷумла, ба навиштаи Washington Post, дар Қаробоғи Кӯҳӣ на камтар аз 50 зархариди суриягӣ, ки зидди нирӯҳои арманӣ аз ҷониби Озарбойҷон меҷангиданд, кушта шуданд.

Туркияву Озарбойҷон ҷалби зархаридҳои суриягӣ дар ҷанги зидди Арманистонро қотеона рад мекунанд. Вале дар ин замина қаблан президенти Фаронса Эммануэл Макрон ҳам хабар дода буд ва президенти Русия Владимир Путин дар сӯҳбат бо раиси ҷумҳурии Туркия Раҷаб Тайиб Эрдуғон “аз ширкати ҷангиён аз Ховари Миёна дар амалиёти ҷангии Қаробоғи Кӯҳӣ ба шиддат изҳори нигаронӣ карда буд”.

Низоъҳо дар Қаробоғи Кӯҳӣ ва навоҳии атрофи он дар Озарбойҷон охири моҳи сентябр шиддат гирифт. Озарбойҷон ба ҳуҷум гузашт. Туркия гуфт, ки Бокуро пурра пуштибонӣ мекунад. Дар Маскав ду ҷониб ба созиши оташбас даст ёфтанд, вале базудӣ ҳарду тараф гуфтанд, ки созиш нақз шуд. Даргириҳо идома доранд.

Сармураббии дастаи мунтахаби миллии футболи Тоҷикистон Усмон Тошев ҳайати дастаро дар бозиҳои дӯстона бо тимҳои миллии Баҳрайн ва Имороти Муттаҳидаи Арабӣ эълон кард.

Барои омодагӣ ба бозиҳои дӯстона 26 бозигар – 3 дарвозабон, 8 ҳимоятгар, 9 нимҳимоятгар ва 6 ҳамлагар – даъват шудаанд.

Ба иттилои дафтари матбуоти Федератсияи футболи Тоҷикистон, мунтахаби кишвар 7-уми ноябр бо мунтахаби Баҳрайн ва 12-уми ноябр бо мунтахаби Имороти Муттаҳидаи Арабӣ бозиҳои дӯстона баргузор мекунад. Ҳарду бозии дӯстона дар Дубай доир мегардад. Аъзои мунтахаби Тоҷикистон27-уми октябр дар Душанбе ҷамъ меоянд ва 4-уми ноябр ба Дубай парвоз мекунанд.

Бояд гуфт, ин ду бозии санҷиширо дастаи мунтахаби миллии футболи Тоҷикистон дар доираи омодагӣ ба бозиҳои марҳилаи дувуми мусобиқаи интихобии қаҳрамонии ҷаҳон-2022 анҷом медиҳад.

Ёдовар мешавем, барои мунтахаби Тоҷикистон дар марҳилаи дувуми мусобиқаи интихобии қаҳрамонии ҷаҳон-2022 дар гурӯҳи «F» се бозии дигар мондааст. Бояд гуфт, ки ба иллати пандемияи коронавирус бозиҳои чаҳор даври охирини марҳилаи дувуми мусобиқаи интихобии қаҳрамонии ҷаҳон-2022 дар Осиё ба соли оянда мавқуф гузошта шудааст. Футболбозони тоҷик дар майдони худ бо мунтаби Муғулистон, баъдан дар меҳмонӣ бо мунтахаби Ҷопон ва сипас дар хона бо мунтахаби Мянмар рақобат хоҳанд кард.

Ҳайати дастаи мунтахаби миллии Тоҷикистон дар бозиҳои дӯстона бо тимҳои миллии Баҳрайн ва Имороти Муттаҳидаи Арабӣ:

Дарвозабонҳо: Рустам Ятимов («Истиқлол»), Шоҳрух Қирғизбоев («Локомотив-Помир»), Муҳриддин Ҳасанов («Хуҷанд»);

Ҳимоятгарон: Давронҷон Эгашев («Бунёдкор», Узбекистон), Аҳтам Назаров, Искандар Ҷалилов, Зоир Ҷӯрабоев, Табрези Давлатмир, Ваҳдат Ханонов (ҳама аз «Истиқлол»), Манучеҳр Сафаров («Локомотив-Помир»), Алишер Баротов («Хуҷанд»),

Нимҳимоятгарон: Парвизҷон Умарбоев («Локомотив», Пловдив, Булғористон), Эҳсони Панҷшанбе («Навбаҳор», Узбекистон), Комрон Турсунов («ТРАУ», Ҳиндустон), Илҳом Баротов («Истаравшан»), Алишер Ҷалилов, Амирбек Ҷӯрабоев, Муҳаммаджон Раҳимов (ҳама аз «Истиқлол»), Абдулмуъмин Забиров («Хуҷанд»), Шарафҷон Солеҳов («Файзканд»);

Ҳамлагарон: Манучеҳр Ҷалилов, Шериддин Бобоев, Рустам Соиров (ҳарсе аз «Истиқлол»), Ҷаҳонгир Эргашев, Тоҳир Малодӯстов (ҳарду аз «Хуҷанд»), Ислом Зоиров («Локомотив-Помир»).

Сармураббӣ – Усмон Тошев.

Президенти Қазоқистон Қосимҷомарт Тоқаев санаи интихоботи аъзои маҷлис, палатаи поёнии порлумони ин кишварро 10 январи соли оянда таъйин кард.

"Санаи интихоботи навбатии маҷлиси порлумони Қазоқистон аз рӯи рӯйхати ҳизбӣ 10 январ ва санаи интихоботи навбатии вакилони маҷлис, ки аз сӯи Ассамблеяи мардуми Қазоқистон баргузида мешаванд, 11 январи соли 2021 таъйин карда шавад", - омадааст дар фармони Тоқаев, ки 21 октябр дар сомонаи ӯ нашр шуд.

Комиссияи марказии интихоботии Қазоқистон барои ташкили омодагиҳо ва баргузор кардани интихобот вазифадор шудааст.

Муҳлати ваколати маҷлиси кунунии Қазоқистон моҳи марти соли оянда ба поён мерасад. Дар маҷлиси кунунӣ аксари курсиҳо (84 курсӣ)-ро аъзои ҳизби ҳоким ба раҳбарии президенти пешин Нурсултон Назарбоев дар ихтиёр доранд. Дар маҷлис ду ҳизби рӯ ба ҳукумат - "Оқ жол" ва Ҳизби коммунистии Қазоқистон низ намояндагони худро доранд.

Аз 107 вакили маҷлис 98 танашон бар асоси рӯйхати ҳизбӣ ва боқӣ тавассути Ассамблеяи мардуми Қазоқистон баргузида мешаванд. Ин ассамблея як ниҳоди машваратиест, ки Нурсултон Назарбоев ҳаққи як умр раҳбарӣ кардани онро дорад.

Дар Қазоқистон баъди қабули Конститутсия дар соли 1995 ва ташкили порлумони дупалатаӣ ягон интихоботи вакилони маҷлис дар муҳлати муқарраршуда баргузор нашудааст.

Комиссиюни марказии интихоботҳои Қирғизистон рӯзи 20-уми декабрро ҳамчун таърихи баргузории интихоботи нави парлумонӣ таъин кард. Ин таҳаввулот дар ҳолест, ки натиҷаҳои интихоботи 4-уми октябри имсол бо интиқод аз тақаллуб ба манфиати ҳизбҳои рӯ ба президенти собиқ Сооронбой Ҷеенбеков бекор шуд ва дар кишвар бебандубориву бӯҳрони сиёсӣ эҷод кард. Санаи интихоботи навро рӯзи 21-уми октябр тасдиқ карданд. Баъди истеъфои ҳафтаи гузаштаи Ҷеенбеков, нахуствазир Содир Ҷабборов (Ҷапаров) иҷрокунандаи вазифаи президенти Қирғизистон шуд. Ҷабборов худ дар авҷи эътирозҳо аз ҷониби тарафдоронаш аз зиндон озод ва якбора ба бозигари муҳими сиёсӣ табдил гашт. Ӯро чор сол пеш бо иттиҳоми одамрабоӣ ба зиндон маҳкум карданд, вале худи ӯ ҳамеша гуфтааст, ки қурбони бозиҳои сиёсии гурӯҳҳои манфиатдор шуд. Шурӯъ аз 16-уми октябр Ҷабборов салоҳиятҳои иҷрокунандаи президентро ба ӯҳда дорад ва ваъда додааст, ки интихобот озоду одилона баргузор мешавад. Худи Ҷабборов аз рӯи қонун ҳақ надорад, ки дар интихоботи президентӣ, ки ҳамчунин бояд баргузор шавад, иштирок кунад, вале худи ӯ гуфтааст, ки агар қонун тағйир дода шавад, ӯ метавонад дар интихобот рақобат кунад.

Рӯзи 21-уми октябр коргарони ширкати Uzbekistan GTL, ки дар ноҳияи Ғузори вилояти Қашқадарёи Узбекистон ҷойгир аст, даст ба эътироз заданд. Сабаби норозигии онҳо чанд моҳ пардохт нашудани маош ва бехӯрок мондани коргарон гуфта мешавад. Uzbekistan GTL гази моеъ истеҳсол мекунад ва 12 ҳазор коргар дорад.

Дар ин бора Радиои Озодлик – Бахши узбекии Радиои Озодӣ хабар дод. Дар наворҳое, ки дастрас шуд, дида мешавад, садҳо мардуми норозиву хашмгин ба биноҳои маъмурият ва худи корхонаи истеҳсолӣ ҳамла карда, ҳама ҷойро вайрон мекунанд.

Феълан маълум нест, оё дар ин ҳодиса касе осеб дидааст, ё не, вале дар видеоҳо дида мешавад, ки дар замини корхонаи валангоршуда пайи хун намудор аст.

Тибқи иттилои охир, мақомот барои пахши эътирозгарони хашмгин ба маҳалли ҳодиса нирӯҳои Горди миллӣ ва гурӯҳҳои зудамали Вазорати умури дохилӣ ва амнияти давлатиро фиристодаанд.. Додситонии кулли Узбекистон бо пахши иттилоияе гуфтааст, аз рӯи ин қазия тафтиш шурӯъ шудааст.

Дар наворҳои видеоӣ, ки дастраси Радиои Озодлик шуд, дида мешавад, дар натиҷаи ҳамлаи мардуми хашмгин таҷҳизоти корхона ва утоқҳои маъмурияти он хароб шудааст.

Як корманди корхона бо шарти ифшо нашудани номаш ба Озодлик нақл кард, ки хашми коргарон баъди он баланд шуд, ки ғизои маъмулан саривақт таъминшавандаи коргарон 2 навбат дода нашуд. Ӯ гуфт: “Дар як баст дар корхона 1200 нафар кор мекунад. Аз он ҷо то ҷои зисташон дар лагер ё урдугоҳ 4 киломер роҳ аст. Ба онҳо 20-уми октябр ғизои шомро надоданд ва ҳам субҳи 21-уми октябр субҳона надоданд. Кормандон аз ин рафтори ошхона дар ғазаб шуданд ва ошхонаву бинои маъмурияти корхонаро ҳамла ва валангор каранд”.

Дар дафтари намояндагии ширкати Uzbekistan GTL дар шаҳри Тошканд гуфтанд, гуё бо сабаби вайрон шудани дари ошхона кормандон ғизо хӯрда натавонистанд ва ин ҳодиса сар зад.

Наворҳоро дар инҷо бинед:

Embed ба дигарон фиристед

Эътироз дар корхонаи ширкати Uzbekistan GTL аз таъхир дар пардохти маош

Embed ба дигарон фиристед

Нусхабардорӣ шуд

---

бар px баландӣ px

---

URL нусхабардорӣ шуд

Феълан кор намекунад

0:00 0:06:38 0:00

Президенти ИМА Доналд Трамп маъракаи таблиғи номзадиашро идома медиҳад ва рақиби демократи ӯ Ҷо Байден ба дебати навбатии телевизионии ҳафтаи ҷорӣ омода мешавад. То интихоботи президентии ИМА ду ҳафта фурсат мемонад ва рӯзи 20-уми октябр номзади ҷумҳурихоҳҳо ва президенти амалкунанда Доналд Трамп дар Пенсилвания талош дорад дили мардумро ба даст оварад. Пенсилвания соли 2016 ҳамчун макони муҳими дастёбӣ ба овози қишри коргари сафедпӯст ба ҳисоб мерафт ва дар миёни чанд аёлати калидие мебошад, ки дар таъмини пирӯзии интихоботӣ нақши ҳалкунанда мебозад. Дар маҷмӯъ пурсиши афкори умум баёнгари он аст, ки Трамп аз Байден 3,7 дарсад камтар маҳбубият дорад. Айни замон, Байден дар аёлати дигари муҳими Филаделфия ва канораҳои он маҳбубияти бештар доштааст. Трамп зимни суханронӣ дар шаҳри саноатии Эри бештар дар бораи масоили ошно сӯҳбат карду боз ҳам аз хатари интихоб шудани рақиби демократаш ҳушдор дод. Ӯ бо ишора ба интихобшавии дуборааш гуфт, “рӯзҳои хуб дар пешанд”. Бо ин ки Байден рӯзҳои 20-21-уми октябр маърака барпо намекунад, дар гузашта борҳо ба Пенсилвания рафтааст. Бо таъкид ба аҳамияти аёлат аъзои тими Байден гуфтанд, ки рӯзи 21-уми октябр собиқ президент Барак Обама ва рӯзҳои истироҳат сенатор Берни Сандерс дар Пенсилвания ба ҳимоят аз номзади демократҳо ҳозир хоҳанд шуд.