Тими миллии футболи Афғонистон чаҳорумин дидорашро дар рақобатҳои муқаддамотии Ҷоми миллатҳои Осиё-2019 муқобили мунтахаби Урдун бо ҳисоби 3:3 анҷом дод. Ин бозии гурӯҳи «С» имрӯз, 10-уми октябр, дар Варзишгоҳи марказии шаҳри Душанбе баргузор шуд.
Бояд гуфт, ки тими миллии Афғонистон ба далели мушкилоти амниятӣ дар Кобул ин бозии хонагиашро дар хоки Тоҷикистон баргузор кард ва мизбонии ин дидорро бар ӯҳда дошт.
Бозӣ бо ҳузури ҳазорҳо тамошогарон, ки аксари кулли онҳо шаҳрвандони Афғонистон буданд, хеле пуршиддат ва шавқангез сурат гирифт. Баъди зарбаи Амир Шарифӣ, бозигари мунтахаби Афғонистон, Муҳаннад Ал-Сулаймон дар дақиқаи 15-ум тӯбро ба дарвозаи дастааш ворид кард. Баъди 25 дақиқа Монтер Абу Умар ҳисобро баробар намуд. Дар охири нимаи аввали дидор капитани урдуниҳо Удай Ал-Сайфӣ тӯбро аз пеналтӣ ё ҷаримаи 11-метрӣ ба ҳадаф расонд ва дастаашро ба пеш баровард.
Дар нимаи дувуми бозӣ алоқамандони футбол боз шоҳиди се голи дигар шуданд. Фахруддин Ҳорун дар дақиқаи 64-ум ҳисобро баробар кард. Баъдан Хайбар Амонӣ голи севуми Афғонистонро дар дақиқаи 81-ум ба дарвозаи урдуниҳо ворид намуд. Вале пас аз панҷ дақиқа голи Муҳаннад Ал-Сулаймон мунтахаби Урдунро аз бохт наҷот дод. Ба ин тартиб, бозӣ бо ҳисоби мусовии 3:3 хотима ёфт. Ҳакамони ин бозӣ бо раҳбарии сардовар Масъуд Туфайлӣ аз Сурия буданд.
Зимнан, мунтахаби Афғонистон нахустин дидорашро дар рақобатҳои муқаддамотии Ҷоми миллатҳои Осиё дар муқобили Ветнам 28-уми марти соли равон дар Варзишгоҳи марказии шаҳри Душанбе бо натиҷаи мусовии 1:1 анҷом дода буд. Дар бозии аввали Урдун бо Афғонистон, ки 5-уми сентябр доир шуда буд, мизбонон бо ҳисоби 4:1 пирӯзӣ ба даст оварда буданд.
Дар бозии дигари даври чаҳоруми мусобиқа дар гурӯҳи “С” мунтахаби Ветнам шаби сешанбеи 10-уми октябр дар майдони худ тими Камбоҷаро бо ҳисоби бузурги 5:0 шикаст дод.
Дар ҳамин ҳол дар ҷадвали гурӯҳи “С” дастаҳои мунтахаби Урдун ва Ветнам бо 8-имтиёзӣ мутаносибан ҷойҳои якуму дувумро касб кардаанд. Камбоҷа бо 3 имтиёз дар мақоми севум ва Афғонистон бо 2 имтиёз дар мақоми чаҳорум қарор доранд.
28 сол ганда "хизмат" карди барои халки точик..
Хуб мешуд дар Хукумати нав шахсони кордон, донишманд, баинсоф, замини новобаста аз махалу миллат интихоб мешуданд. Хатто хуб мешуд ки аз хисоби сохибкорон низ ба хайати Хукумат чалб мешуданд.
Ман аз соли 2012-2013 ариза дода будам ки бароям замини наздиҳавлиги ҷудо кунанд вале то имрӯз як кас ҳам занг назадааст. Ба наздики барои фаҳмидани аризаи кардаам рафтам мегӯянд ки дар шаҳри Бохтар замин надорем ки ба шумо диҳем. Ҳаминам кор шуд? Аммо мо мардум кару кӯр нестем ва медонем чандин мансабдорону хешовандони ҷаноб садҳо ҳазор гектарро азони худ карда ба мардум мефурӯшанд. Мо мардуми камбизоат чи кор кунем? То ба кай иҷоранишини мекунем? Агар ҳаштсола иҷорапулиро ҳисоб кунем қариб сад ҳазор сомониро ташкил медиҳад. Ман безорам ва безор шудам аз чунин давлату давлатдори!
Агар фуруши чиптаро озод монанд бисёр хуб мешуд. Ба самти Узбекистон озод аст. Агар хамин тавр озод кунанд хама масала халли худро меёбад. Чанд руз пештар билета мегири. Боз чаноби сафир нагзтар медонистагистанд...
Ман ҳамчун шаҳрванди оддии Тоҷикистон орзу мекунам, ки рӯзе дар Тоҷикистон интихоботи воқеӣ ва шаффофу одилона таҳти роҳбарии СММ баргузор шавад ва мо шахси дилхоҳи худро интихоб намоем........ Орзуе, ки шояд онро ба гӯр мебарам.....