Пайвандҳои дастрасӣ

Эрдуғон: "Туркия пайвастани Қримро ба Русия эътироф намекунад"


Раҷаб Тайиб Эрдуғон ва Петр Порошенко

Президенти Туркия Раҷаб Эрдуғон бо пуштибонӣ аз тамомияти арзии Украина гуфт, ки пайвастани Қримро ба Русия эътироф намекунад. Ин нуктаро Эрдуғон рӯзи гузашта дар Украина баён дошт.

Эрдуғон дар посух ба суоле, ки Туркия омодааст дар ин замина Русияро таҳрим кунад, гуфт, "масъалаи Қрим нозук аст ва Анқара ҳоло талош дорад, ба тоторҳои нимҷазира, ки дар озодӣ нестанд, кумак кунад". Ба гуфтаи Эрдуғон, Туркия аз он кумаку дастгириҳое, ки Киев ба тоторҳои Қрим мекунад, "хеле розӣ" аст.

Мулоқоти Эрдуғон ва Порошенко дар Киев ҳудуди се соат идома ёфт. Раҳбарони Украинаву Туркия ҳамкориҳои ду кишварро дар бахшҳои ҷаҳонгардӣ, энергетика ва низомӣ баррасӣ карданд.

Баъди гуфтугӯ намояндагони ҳукуматҳои ду кишвар зери як қатор созишномаҳо имзо гузоштанд. Украина ва Туркия ният доранд, 5 соли оянда ҳаҷми табодули молро миёни худ то ба 10 миллиард доллари амрикоӣ расонанд.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG