Пайвандҳои дастрасӣ

Ибодӣ хост, ки натиҷаи раъйпурсии Курдистон бекор карда шавад


Ҳайдар ал-Ибодӣ

Сарвазири Ироқ Ҳайдар ал-Ибодӣ талаб дорад, ки натиҷаҳои раъйпурсии истиқлолхоҳии Курдистони ин кишвар бекор карда шавад. Раъйпурсӣ рӯзи 25-уми сентябр баргузор шуд.

"Ин раъйпурсӣ бояд бекор карда шавад ва дар доираи Конститутсия гуфтугӯ баргузор гардад. Мо ҳеч гоҳ дар мавриди натиҷаҳои раъйпурсии мазкур гуфтугӯ нахоҳем кард. Мо қонунгузории Ироқро дар тамоми минтақаҳои Курдистон амалӣ мекунем", - гуфт Ибодӣ рӯзи 28-уми сентябр.

Бино ба иттилои мақомоти раъйпурсии вилояти худмухтори Курдистони Ироқ, дар раъйпурсии рӯзи 25-уми сентябр ба ҷонибдорӣ аз истиқлолият 92,7 дарсади сокинон овоз додаанд.

Дар ҳамин ҳол, порлумон ба Ҳайдар ал-Ибодӣ пешниҳод кардааст, ба ноҳияи Киркук, ки феълан дар ихтиёри курдҳост, артиш фиристад ва кони нафтро зери назорат бигирад. "Ҳукумат бояд назорати кони нафти Киркукро дар ихтиёр бигирад", - омадааст дар қатъномаи порлумон.

Ноҳияи Киркук, ки онҷо ақалиятҳои гуногун истиқомат доранд, аз сӯи нерӯҳои шӯришгари курд идора мешавад.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG