Пайвандҳои дастрасӣ

Шӯрои амният зидди Куриёи Шимолӣ таҳримҳои нав эълом кард


Ҷаласаи Шӯрои Амнияти СММ

Шӯрои амнияти СММ рӯзи душанбе дар посух ба озмоиши шашум ва нирӯмандтарини ҳастаии Куриёи Шимолӣ, ки 3 сентябри соли равон анҷом шуд, алайҳи Пхенян таҳримҳои нав эълом кард.

Баъзе аз чораҳои пешниҳодии ИМА бо пойфишории ҷониби Чину Русия рад шуданд. Пекину Москва мегӯянд, пурра таҳрим кардани воридоти нафт ба Куриёи Шимолӣ ва чораҳои ҳамсони дигар созанда нестанд ва вазъро дар нимҷазираи Куриё бадтар хоҳанд кард.

Маъмурияти президент Доналд Трамп гуфта буд, ки танҳо бо роҳи эъломи таҳримҳои шадид мешавад Пхенянро маҷбур кард, то аз барномаҳои ҳастаию мушакияш даст кашад ва роҳи гуфтушунидро пеш гирад.

Қатъномаи нави Шӯрои амният содироти маҳсулоти нассоҷӣ аз Куриёи Шимолӣ ва интиқоли гази табииро ба ин кишвар манъ ва фурӯши нафту маҳсулоти нафтии онро маҳдуд мекунад. Санад аз кишварҳои ҷаҳон низ даъват мекунад, то тамоми киштиҳоеро, ки ба Куриёи Шимолӣ мераванд ё аз он хориҷ мешаванд, тафтиш кунанд.

Ба қатънома пешниҳодҳои аслии ИМА, ки хоста буд, сафарҳои хориҷии президенти Куриёи Шимолӣ Ким Чен Ин таҳрим ва дороиҳояш дар хориҷ ба ҳабс гирифта шаванд, шомил нагаштанд.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG