Набераи генерали артиш конфедерантҳо Роберт Ли задухурд дар Шарлотсвилли аёлати Вирҷинияро маҳкум ва аз идеяи кӯч додани пайкараҳои даврони Конфедератсия ба осорхонаҳо пуштибонӣ кард. Дар ин бора шабакаи телевизионии CNN рӯзи панҷшанбе хабар дод. Ба гуфтаи Реборт Лии- 5 муколамаи кӯчонидани пайкараҳо бояд бидуни хушунат ҷараён бигирад.
Рӯзи 12 август миллатгароёни сафедпӯст барои баргузор кардани раҳпаймоии эътирозӣ, алайҳи барчидани пайкараи генерали кофедератсия Роберт Ли, дар Шарлотсвилл ҷамъ шуданд. Дар замони Ҷанги шаҳрвандии Амрико Роберт Ли яке аз раҳбарони ҷанубиҳо буд ва аз ғуломдорӣ пуштибонӣ мекард. Дар вокуниш ба ин ҷамъомад, мухолифони нажодпарастӣ гирдиҳамоии худро доир карданд. Дар вақти намоиш як миллатгарои сафедпуст бо мошинаш мухолифонро пахш кард ва як нафарро ба ҳалокат расонда, надик ба 20 тани дигарро маҷрӯҳ кард.
Аҳли ҷомеаи Амрико дар ин задухурд бартариталабҳои сафедпустро муттаҳам мекунанд.Президенти Амрико Доналд Трамп, дар навбати худ, масъулияти задухурдро бар дӯши ҳарду ҷониб гузошт. Ба думболи ин дар чанд шаҳри Амрико пайкараҳои даврони конфедератсияро сарнагун карданд.
