Зариф Пӯлодов: "Зиндагии мо саропо зарб аст". ВИДЕО

Табли ҳиндӣ, африқоӣ, эронӣ, арабӣ ва тоҷикӣ аз созҳои мусиқии касбии Зариф Пӯлодов, навозандаи маъруфи гуруҳи “Шамс” аст. Ӯ оҳангро бе ҳузури табл чун тани бе дил медонад. Зеро мегӯяд, зиндагии инсон иборат аз зарб аст.

Зариф Пӯлодов, таблнавози гурӯҳи ҳунарии “Шамс”, рӯзи 13-уми август дар сӯҳбат бо Радиои Озодӣ гуфт, “аз замони қадим тамоми асбоби зарбӣ диққатҷалбкунанда буд. Масалан, агар ягон маросиме баргузор мешуд, ҳатман бо садои зарб мардумро даъват мекарданд. Тамоми вуҷуди зиндагии мо зарб аст. Хестан, хӯрдан, гаштан, нафас гирифтан, таппиши дил. Бинед, ҳатто сухан мегӯям, ҳамааш бо зарб аст. Агар нодуруст гап занам, сухан аз зарб берун мешавад.”

Гузориши видеоӣ дар инҷост:

Эмбед код

Эмбед кодро нусхабардорӣ карда гузоред. Тағйири код ба интихоби шумо вобаста аст

Нусхабардорӣ шуд

Андозаи видео

бар

x

баландӣ

ҳаҷм

Зариф Пӯлодов: "Тамоми зиндагии мо аз зарб иборат аст"

Видеоро нашр кунед

https://www.ozodi.org/a/28671933.html

0:04:20

▶

0:00:00 /0:04:20

▶

▶

Линки мустақим

• 270p | 12.5MB
• 360p | 21.2MB
• 720p | 48.4MB

Падари Зариф навозандаи маъруфи тоҷик аст ва ӯ дар муҳите ба воя расидааст, ки ҳамеша садои мусиқӣ онҷо танинандоз буд. Ӯ эътироф мекунад, ки мусиқӣ, бахусус асбоби зарбӣ рисолати рӯҳонӣ доранд.

Созҳои зарбӣ инсонро ба дунёи руъё ворид ва аз худ бе худ мекунад. Рақсҳои сӯфиёна ҳам зери садои зарб сурат мегирад. Садои созҳои зарбӣ ҳатто дар баъзе миллатҳо ба сифати мусиқии мазҳабӣ истифода мешавад.

Зариф Пӯлодов мегӯяд, “ҳиндуҳо таблро дар масҷидҳояшон истифода мебаранд. Вақте дар масҷидҳо ҷамъ мешаванд, ба сурудхонӣ машғул мешаванд, ба Худо ибодат мекунанд. Зеро ин асбоб хеле диққатҷалбкунанда ва навозишаш ҳам осон аст.”

Тақрибан ду даҳсолаи ахир асбоби зарбии миллатҳои мухталифи дунё вориди мусиқии тоҷик шудааст, ки қаблан хеле кам истифода мешуд. Ба қавли дигар, он созҳои зарбии хориҷӣ бо доираву таблаки тоҷикӣ рӯ ба рақобат шудааст.

Зариф Пӯлодов

Ҳунармандони тоҷик талоши зиёде доранд, ки истифодаи созҳои мусиқии зарбии миллатҳои мухталифро ба мусиқии тоҷикӣ омезиш диҳанд ва мутобиқ созанд. Зариф Пӯлодов мегӯяд, “таблак моли арабҳост, лекин мо онро дар мусиқии тоҷикии худамон истифода мекунем. Бо тарзи дигар, бо тарзи тоҷикона истифода мебарем. Ин бисёр хуб аст.”

Пӯлодов 46 сол дорад ва бештари вақт ба навохтан ва омӯзиши таърихи асбоби зарбӣ машғул аст. Ба фикри ӯ, ҳарчанд асбоби зарбии миллатҳои мухталиф садо ва зарбҳои гуногун доранд, фалсафаи ҳамаи онҳо якест – бо зарб ба эҳсоси шунаванда расидан ва завқи онҳоро бедор кардан.

Ба гуфтаи Зариф Пӯлодови таблнавоз, сози зарбии ғайритоҷикиро ба оҳангу мусиқии тоҷикӣ он замон омезиш додан мумкин аст, ки садои он асбоб дар мусиқӣ созиш кунад ва танҳо барои ҳавас ва худнамоишдиҳӣ набошад.