Пайвандҳои дастрасӣ

Боздошти зане дар Қурғонтеппа бо 100-доллараи қалбакӣ


Акси доллари қалбакӣ аз бойгонӣ

Вазорати корҳои дохилии Тоҷикистон як занеро боздошт кардааст, ки дар даст 100-доллараи қалбакӣ доштааст.

Аз ин зан ном бурда намешавад, вале дар хабари расмии ин Вазорат омадааст, ки ӯ 53 сола ва сокини шаҳри Қурғонтеппа ҳаст.

Тибқи иттилои расмӣ, ин зан “ҳангоми баровардани як адад купюраи 100-доллараи қалбакӣ дастгир карда шуд”.

-“Ташхис нишон дод, ки як адад 100-доллараи амрикоӣ таҳти №FC 26243086 А, ки аз тарафи гумонбаршуда ба муомилот бароварда шудааст, ба меъёрҳои технологии тайёркунӣ ва ба купюраҳои дар муомилот будаи аслӣ мувофиқат намекунад”-зикр шудааст, дар хабари Вазорати корҳои дохилии Тоҷикистон.

Ин зан 100-доллараи қалбакиро аз куҷо дастрас кардааст ва то замони ба муомилот баровардан аз қалбакӣ будани он огаҳӣ доштааст ё не, ҳоло маълум нест.

Вазорати корҳои дохилии Тоҷикистон ин ҳодисаро тафтиш мекунад.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG