“Ҳосилот” дар ҷадвали мусобиқаи лигаи олӣ пешсаф аст

Бозиҳои даври чоруми мусобиқаи лигаи олии футболи Тоҷикистон рӯзҳои 1-ум ва 2-юми апрел баргузор шуданд. Дар бозии марказии даври гузашта тими «Ҳосилот»-и Фархор дастаи «Регар-ТадАЗ»-и Турсунзодаро бо ҳисоби 1:0 шикаст дод.

Голи ягонаро др ин бозӣ, ки 1-уми апрел дар майдони эҳтиётии Варзишгоҳи марказии шаҳри Душанбе барпо гардид, капитани “Ҳосилот” Сафаралӣ Каримов дар нимаи дувуми дидор аз ҷаримаи 11-метрӣ ба ҳадаф расонд.

Рӯзи шанбе боз як бозии даври чорум миёни дастаҳои «Панҷшер»-и Балхӣ ва ССКА «Помир»-и Душанбе, ки дар варзишгоҳи ба номи Ӯктам Маматови ноҳияи Ҷалолиддини Балхӣ баргузор шуд, бо ҳисоби 0:0 хотима ёфт.

Бозии дигари даври чорум, ки миёни тимҳои “Барқчӣ»-и Ҳисор ва «Вахш»-и Қӯрғонтеппа 2-юми апрел дар варзишгоҳи “Авиатор”-и Душанбе сурат гирифт, бо натиҷаи мусовӣ ва бидуни гол ба поён расид.

Ҳоло дар ҷадвали мусобиқа «Ҳосилот” бо 9 имтиёз дар зинаи аввал, «Регар-ТадАЗ» ва “Панҷшер” бо 5-имтиёзӣ мутаносибан дар зинаҳои дувуму севум қарор доранд. «Истиқлол», ки ду бозӣ камтар кардааст, бо 4 имтиёз дар ҷойи чорум мебошад.

Мусобиқаи қаҳрамонии Тоҷикистон. Лигаи олӣ. Даври 4-ум

«Регар-ТадАЗ» – «Ҳосилот» – 0:1

Гол: Сафаралӣ Каримов, 70 – аз пеналтӣ.

Огоҳонида шуданд: Фирӯз Қараев, Евгений Хотимский, Далер Азизов («Регар-ТадАЗ»), Шодибек Ғаффоров, Сафаралӣ Каримов, Агблей Ҷонс («Ҳосилот»).

Аз майдон хориҷ шуд: Саидхони Амрохон («Регар-ТадАЗ»), 90+2 – корти 2-юми зард.

Сардовар: Сайвалӣ Турдиев (Вахш).

1 апрел. Душанбе. Майдони эҳтиётии Варзишгоҳи марказии ҷумҳуриявӣ. 1200 тамшобин.

«Панҷшер» – ССКА «Помир» – 0:0

Огоҳонида шуданд: Равшан Азизов («Панҷшер»), Шамсиддин Қосимов, Мисиам Иносент (ССКА «Помир»).

Сардовар: Хуршед Дадобоев (Хуҷанд).

1 апрел. Ҷалолиддини Балхӣ. Варзишгоҳи Ӯктам Маматов. 4200 тамошобин.

2 апрел (якшанбе)

«Барқчӣ» – «Вахш» - 0:0

Огоҳонида шуданд: Ҳувайдо Малиев, Муӯҳсинҷон Парпиев, Кароматулло Саидов («Барқчӣ»), Холмурод Назаров («Вахш»).

Сардовар: Хусрави Сиддиқзод (Душанбе).

Душанбе, варзишгоҳи «Авиатор», 300 тамошобин.

Мавқеи дастаҳо дар ҷадвали мусобиқа

Нишонзанҳо: Манучеҳр Ҷалилов («Истиқлол») – 3 тӯб, Дмитрий Барков («Истиқлол»), Агблей Ҷонс («Ҳосилот»), Фирӯз Раҳматов («Регар-ТадАЗ»), Дилшод Бозоров («Хуҷанд») – 2-тӯбӣ.

Даври 5-ум:

8 апрел (шанбе)

Оғози бозӣ – соати 16:00

«Вахш» – «Регар-ТадАЗ»

«Хуҷанд» – «Панҷшер»

9 апрел (якшанбе)

Оғози бозӣ – соати 16:00

ССКА «Помир» – «Барқчӣ»

10 апрел (душанбе)

Оғози бозӣ – соати 16:00

«Ҳосилот» – «Истиқлол»