“Ҳосилот” пешсафи лигаи олӣ шуд

Дастаи “Ҳосилот”-и ноҳияи Фархор, ки 13-уми март дар даври дуюми мусобиқаи лигаи олии футболи Тоҷикистон тими “Панҷшер”-и ноҳияи Ҷалолиддини Балхиро бо ҳисоби бузурги 3:0 шикаст дод, дар ҷадвал садрнишин шуд. Ин бозӣ дар Варзишгоҳи марказии шаҳри Ҳисор барпо гардид. Голҳоро Муҳаммадҷони Ҳасан, Агблей Ҷонс ва Наврӯз Рустамов ба самар расонданд.

“Ҳосилот”, ки дар ду бозӣ шаш имтиёз ба даст овардааст, дар ҷадвали мусобиқа мақоми аввалро касб кардааст.

Бозии охирини даври дуюм миёни ду дастаи Душанбе -«Истиқлол» ва ССКА «Помир» - дар рӯзҳои эҳтиётӣ баргузор мешавад. Зеро ки қаҳрамони Тоҷикистон – “Истиқлол” - нахустин бозиашро дар мусобиқаи гурӯҳии Ҷоми AFC (Конфедератсияи футболи Осиё)-2017 бегоҳи сешанбеи 14-уми март дар Варзишгоҳи марказии Душанбе муқобили дастаи «Дордой»-и Бишкек анҷом медиҳад.

Ёдовар мешавем, 12-уми март ду бозии даври дуюми мусобиқаи қаҳрамонии Тоҷикистон миёни дастаҳои лигаи олӣ баргузор шуда буд. «Хуҷанд»-и Хуҷанд дар майдони худ бар «Вахш»-и Қӯрғонтеппа бо ҳисоби 2:0, «Регар-ТадАЗ»-и Турсунзода бар дастаи мизбон - «Барқчӣ»-и Ҳисор - бо ҳисоби 1:0 пирӯз шуданд.

Мусобиқаи қаҳрамонии Тоҷикистон. Лигаи олӣ. Даври 2-юм

«Хуҷанд» – «Вахш» – 2:0

Голҳо: Дилшод Бозоров, 33 – аз пеналтӣ (1:0). Давронҷон Тухтасунов, 66 (2:0).

12 март. Хуҷанд. Варзишгоҳи «20-солагии Истиқлолияти Тоҷикистон».

«Барқчӣ» – «Регар-ТадАЗ» – 0:1

Гол: Фирӯз Раҳматов, 65.

12 март. Ҳисор. Варзишгоҳи марказӣ.

13 март (душанбе)

«Панҷшер» – «Ҳосилот» – 0:3

Голҳо: Муҳаммадҷони Ҳасан, Агблей Ҷонс, Наврӯз Рустамов.

13 март. Ҳисор. Варзишгоҳи марказӣ.

Мавқеи дастаҳо дар ҷадвали мусобиқа

Нишонзанҳо: Манучеҳр Ҷалилов («Истиқлол») – 3 тӯб, Дмитрий Барков («Истиқлол»), Агблей Ҷонс («Ҳосилот»), Фирӯз Раҳматов («Регар-ТадАЗ»), Дилшод Бозоров («Хуҷанд») – 2-тӯбӣ.