11 корбари Фейсбук ба Идораи амнияти миллии вилояти Ҷалолободи Қирғизистон даъват шуда, барои навиштаҳои интиқодияшон дар бораи президент Алмосбек Отамбоев огаҳӣ гирифтаанд.
Даъватшудагон аз ноҳияҳои Сузак, Бозор-Қурғон ва Оқсуянд. Ба гуфтаи корбарон, онҳо баъди гирифтани ҳушдор навиштанро дар шабакаҳои иҷтимоӣ қатъ кардаанд.
Намояндагони Кумитаи давлатии амнияти миллии Қирғизистон ин қазияро шарҳ намедиҳанд.
Қаблан расонаҳо гуфтанд, КДАМ-и ин кишвар шахсияти даҳҳо нафарро, ки нисбати Отамбоев маводи манфӣ чоп мекунанд, ошкор кардааст. Тибқи гузоришҳо, IP-адреси бештари онҳо дар хориҷ аст.
