Пайвандҳои дастрасӣ

Хабари нав

"Эрмитаж" дар даромадгоҳи хонаи маъмулӣ. ВИДЕО


"Эрмитаж"- дар долони хонаи маьмулӣ
лутфан мунтазир бошед
Embed

Феълан кор намекунад

0:00 0:01:57 0:00

Баландаошёнае дар кӯчаи Радужний дар пойтахти Украина зоҳиран аз биноҳои дигари ҳамшаклаш, ки дар Шӯравии собиқ сохта шудаанд, фарқ надорад. Даромадгоҳе, ки дар он нафақахӯр Владимир Чайка зиндагӣ мекунад, қаблан даромадгоҳи оддӣ буд. Аммо дар муддати 15 сол корманди собиқи «метрополитен» онро ба қаср табдил додааст. Ҳоло ҳамсояҳо макони зисташонро шабеҳи Верселу Эрмитаж медонанд.

Ҳоло даромадгоҳи манзили зисти ин бознишаста ба макони ҷалби сайёҳон ва ба як гӯшаи тамошо табдил шудааст.

Владимир Чайка то замоне ки як даромадгоҳи оддӣ ба «Эрмитаж» табдил шавад, ба қавли худаш «хеле сохт ва хеле канд». «Ҳатто чунин мешуд, ки аз рахти хоб боло мешудам ва мекандам. Фикр мекардам, ки ба ин шакл дуруст нест. Масалан, як сақфро чаҳор бор тағйир додам», - нақл кард ӯ.

Владимир Чайка беш аз ҳама аз гулкориҳое, ки бо гаҷ сохтааст, ифтихор мекунад. Тарзи гаҷрезиро ӯ бо ёрии яке аз ҳамкоронаш омӯхтааст: «Гаҷкорӣ хеле мушкил, вале роҳатбахш аст. Шумо тасаввур мекунед, ки вақте қолабрезӣ мекунам, мунтазир мемонам, кай хушк мешавад. Вақте онро ранг мекунӣ, рангоранг мешавад ва рангҳо ба бозӣ медароянд.»

Вақте ин бознишаста лӯлаи паротовгузари даромадгоҳи хонаашонро намои дигар дод, бештари сокинон ҳатто аз наздик шудан ба он парҳез мекарданд. Дар деворҳо тасвири дӯстдоштании Чайка инъикос ёфтаанд. Инҳо асари «Мона Лиза»-и Леонардо да Винчӣ ва корҳои наққошони дигари рус мисли Карл Брюлов ва Виктор Васнетсов мебошанд. Баъзеҳо маҳсули кори Чайкаро нигориши беҳунарона медонанд.

Валерий Гарчёв, ҳамсояи ин бознишаста, ки меъмору наққош аст, дар нигоришҳои ӯ идомаи анъанавиро мебинад. Грачёв гуфт, «ранги сафед бо зарҳалину кабуд омезиши маъмулист. Чунин омезиши рангҳо ҳамеша муваффақ мешаванд.» Аммо бо ин ҳама даромадгоҳи манзили зисти ин бознишаста ба макони ҷалби сайёҳон ва ба як гӯшаи тамошо табдил шудааст.

XS
SM
MD
LG