Шаби гузашта Ибодулло Каримов, бародари калонии раиси ҷумҳури Ӯзбакистон дар синни 91-солагӣ дар шаҳри Самарқанд даргузаштааст.
Бино ба иттилои бахши узбакии Радиои Озодӣ Ибодулло Каримов ба ҳайси омӯзгор дар мактаби таҳсилоти ҳамагонии шаҳри Самарқанд фаъолият карда, Ислом Каримов гоҳе-гоҳе ба зиёрати бародараш меомадааст. Ҳоло маълум нест, ки Президент Каримов дар ҷанозаи бародараш ширкат мекунад ё на.
Гуфта мешавад, Ислом Каримов дар ҷанозаи падараш Абдулғанӣ ширкат накарда, дар ҷанозаҳои модараш ва бародари дигараш ҳудуди 10 дақиқа ҳузур доштааст.