Рӯзи 4 октябр машқҳои панҷрӯзаи муштараки нирӯҳои ҳомии сулҳи Созмони Паймони амнияти дастаҷамъӣ дар машқгоҳи “Баграмиён”-и Арманистон ба охир расид. Дар ин тамринҳо ҳудуди 600 сарбоз ва 50 техникаи низомӣ аз ҳамаи кишварҳои узви ин созмон, аз ҷумла аз Тоҷикистон ширкат карданд. Паймони амнияти дастаҷамъӣ эътилофи низомиву амниятиест, ки 6 кишвари пасошӯравӣ – Русия, Беларус, Арманистон, Қазоқистон, Қирғизистон ва Тоҷикистонро дар меҳвари Маскав муттаҳид мекунад.
