Борони селу обхезӣ ва ярч дар шимолушарқи Ҷопон бештар аз 100 ҳазор нафар аз сокинони ин гӯшаи кишварро маҷбур ба тарки хонаҳояшон кард. Баъди ду рӯзи борони зиёд, рӯзи 10-уми сентябр рӯдхонаи Кинугава аз соҳилҳояш хориҷ шуд ва маҳаллаҳое дар шаҳри Ҷосо дар шимоли Ҷопонро зери об кард. Телевизионҳо нишон доданд, ки чӣ гуна чархболҳо сокинонро аз болои бом мегиранд ва сел хонаву мошинҳоро мебарад.
