Субҳи 7 сентябр санги асоси бинои нави раёсати консулгарии Вазорати корҳои хориҷии Тоҷикистон аз ҷониби раисиҷумҳур Эмомалӣ Раҳмон дар маркази шаҳри Душанбе гузошта шуд. Оқои Раҳмон дар ин маросим ба сохтмончиён дастур дод, ки биноро дар мӯҳлати 1 сол ва то ҷашни 25-солагии истиқлоли кишвар бисозанд. Ин иншоот дар маркази шаҳри Душанбе дар масоҳати 1937 метри мураббаъ бунёд гардида, аз 9 ошёна иборат хоҳад буд. Ҳазинаи муқаддамотии сохтмон 43 миллиону 850 ҳазор сомониро ташкил медиҳад.
