Пайвандҳои дастрасӣ

Хабари нав

Бозигари дастаи мунтахаби Тоҷикистон – сармураббии “Локомотив”


Игор Черевченко

Игор Черевченко, бозигари пешини дастаи мунтахаби Тоҷикистон, ба мақоми сармурабии тими “Локомотив”-и Маскав баргузида шудааст. Ӯ фарзанди Геннадий Черевченко мебошад.

Игор Черевченко, собиқ бозигари дастаи мунтахаби Тоҷикистон, иҷрокунандаи вазифаи сармураббии дастаи “Локомотив”-и Маскав шудааст. Черевченкои чиҳилсола, ки фарзанди марҳум Геннадий Черевченко – собиқ бозигари дастаи маъруфи “Помир”-и Тоҷикистон мебошад, дар ин мақом Леонид Кучукро иваз кардааст.

Черевченкои хурдӣ солҳои охир дар бошгоҳ (клуб)-и “Локомотив” ба унвони мутахассис кор мекард. Ӯ нахустин таҷрубаи бозигарияшро дар мактаби варзишии шаҳри Душанбе омӯхтааст. Баъди азҳампошии Иттиҳоди Шӯравӣ хонаводаи Черевченко ба Русия рафтанд ва ӯ ба футболбозияш дар ҳайати дастаҳои гуногуни ин кишвар идома дод.

Геннадий Черевченко, собиқ бозигари машҳури дастаи “Помир”-и Душанбе ва падари Игор, 18 марти соли ҷорӣ дар синни 67-солагӣ аз олам даргузашт. Ӯ 16 марти соли 1948 дар ноҳияи Қумсангири Тоҷикистон ба дунё омада, нахуст дар дастаи «Пахтакор»-и Қӯрғонтеппа (соли 1967) ба ҳайси ҳимоятгар бозӣ мекард. Аз соли 1969 то соли 1986 дар дастаи «Помир»-и Душанбе бозӣ кардааст.

Вай дар «Помир» аз ҳама бештар - 563 бозӣ карда, 22 гол задааст. Ӯ соли 1996 мураббии дастаи «Обнинск»-и Русия буд. Баъдан дар бошгоҳи «Локомотив»-и Маскав ба ҳайси мураббӣ фаъолият дошт. Ӯ солҳои ахир мураббии дастаи навҷавонони «Локомотив-2» буд.

Шарҳҳоро бинед (2)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG