Пайвандҳои дастрасӣ

Хабари нав

Уругвай – соҳиби роҳхати охирин ба Ҷоми ҷаҳонии футбол-2014


Мунтахаби Уругвай роҳхати охиринро ба марҳилаи ниҳоии Ҷоми ҷаҳонии футбол-2014 дар Бразилия ба даст овард.

Футболобозони Уругвай бозии ҷавобии интихобии байниқитъавиро шаби 21-уми ноябр дар майдони худ бо мунтахаби Урдун бо ҳисоби 0-0 анҷом доданд. Мунтахаби Уругвай, ки дар бозии аввал дар меҳмонӣ тими Урдунро бо ҳисоби бузурги 5-0 шикаст дода буд, аз рӯи натоиҷи ду бозӣ ғолиб шуд ва соҳиби роҳхат гардид.

Ба ин тартиб, ҳамаи 32 дастаи мунтахаби миллии ширкаткунандаи марҳилаи ниҳоии Ҷоми ҷаҳонии футбол-2014 дар Бразилия маълум шуданд:
аз Аврупо 13 даста – Белгия, Босния ва Ҳерсеговин, Инглистон, Испания, Италия, Олмон, Португол, Русия, Фаронса, Хорватия, Ҳолланд, Швейтсария ва Юнон.
аз Амрикои Ҷанубӣ 6 даста – Аргентина, Бразилия, Колумбия, Уругвай, Чили ва Эквадор.
аз Амрикои Шимолӣ, Марказӣ ва Кариб 4 даста – Гондурас, Иёлоти Муттаҳидаи Амрико, Мексика ва Коста-Рика.
аз Африқо 5 даста – Алҷазоир, Гана, Камерун, Кот-д’ Ивуар, Нигерия.
аз Осиё 4 даста – Австралия, Кореяи Ҷанубӣ, Ҷопон ва Эрон.

Қуръакашии мусобиқаи ниҳоии Ҷоми ҷаҳон-2014 рӯзи 6-уми декабр баргузор мешавад. Марҳилаи ниҳоии мусобиқоти қаҳрамонии ҷаҳон аз 12-уми июн то 13-уми июли соли 2014 дар 12 шаҳри Бразилия доир хоҳад шуд. Нахустин бозӣ дар Сан-Паулу ва бозии ниҳоӣ дар Рио-де-Жанейро, дар варзишгоҳи "Маракана" барпо мегарданд.

Шарҳҳоро бинед (2)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG