Пайвандҳои дастрасӣ

Хабари нав

Дар Риёз ду муҳоҷири хориҷӣ кушта шуданд


Дар бархӯрде миёни маъмурони пулис ва муҳоҷирони хориҷӣ дар Арабистони Саудӣ ду нафар кушта шудаанд. Ба навиштаи хабаргузории расмии ин кишвар , муноқиша шоми шанбе дар пойтахт, шаҳри Риёз сар зад ва дар ҷараёни он 68 нафари дигар маҷрӯҳ шудаанд. Хабаргузорӣ мегӯяд, маъмурони пулис 560 ошӯбгарро, ки дар маҳаллаи фақирнишини Манфуҳо сангар баста будаанд, дастгир кард. Пулис мегӯяд, ки муҳоҷирони корӣ ба самти мардум санг партоб карда ва бо корд ба онҳо таҳдид мекарданд. Носир ал-Қаҳтонӣ, сухангӯи раёсати пулиси Риёз гуфтааст, инҳо муҳоҷирони корие ҳастанд, ки бояд аз Арабистони Саудӣ ронда шаванд. Мақомоти ин кишвар то аввали моҳи ноябр ба муҳоҷирони ғайриқонунӣ фурсат доданд, ки мақоми ҳуқуқӣ бигиранд ва дар ду ҳафта пеш ба ихроҷи онҳо шурӯъ карданд.
XS
SM
MD
LG