Пайвандҳои дастрасӣ

Хабари нав

Пирӯзии “Вахш” бар “Энергетик” ва “Парвоз” бар “Истаравшан”


Рӯзи ҷумъаи 8-уми ноябр ду бозии даври 20-уми мусобиқоти қаҳрамонии лигаи олии футболи Тоҷикистон баргузор шуд.

Дастаи «Вахш»-и Қӯрғонтеппа бар тими меҳмон – “Энергетик»-и Душанбе бо ҳисоби 2:0 пирӯз шуд. Ҷозеф Боатенг, легионери африқоии “Вахш” аз Гана, дар дақиқаи аввали бозӣ ҳисобро кушод. Голи дувуми мизбононро Наврӯз Рустамов дар дақиқаи 79-ум ба ҳадаф расонд. Капитани “Энергетик” Сафархон Мирзоев барои бо даст задани рақибаш дар дақиқаи 80-ум аз майдон хориҷ шуд.

Дар бозии дигар дастаи «Истаравшан»-и Истаравшан дар майдони худ аз тими «Парвоз»-и Бобоҷон Ғафуров бо ҳисоби 2:3 шикаст хӯрд. Голҳои “Парвоз”-ро Илҳом Мирзоев дар дақиқаи 42-юм, Комрони Мирзохон (дақиқаи 45-ум) ва Шоҳрух Раҷабмадов (дақиқаи 90+5) заданд. Ду голи “Истаравшан”-ро Руслан Раҳматов (дақиқаи 90-ум) ва Сӯҳроб Эгамбердиев (дақиқаи 58-ум) ба самар расонданд.

Ду бозии дигари даври 20-ум рӯзи якшанбеи 10-уми ноябр миёни дастаҳои «Хуҷанд»-и Хуҷанд – ССКА “Помир»-и Душанбе ва «Равшан»-и Кӯлоб - «Регар-ТадАЗ»-и Турсунзода баргузор мешавад.

Дар ҳамин ҳол дар ҷадвали мусобиқот “Равшан” бо 41 имтиёз дар ҷойи аввал ва “Истиқлол”-и Душанбе бо 37 имтиёз дар ҷойи дувум қарор доранд. Футболбозони Кӯлоб, ки дар бозиҳои имсолаи қаҳрамонии кишвар то ҳоло мағлуб нашудаанд, дар мавриди пирӯзӣ дар бозии навбатӣ бар “Регар-ТадАЗ” пешакӣ ба унвони қаҳрамони Тоҷикистон даст хоҳанд ёфт.

Барои медалҳои биринҷӣ “Хайр”-и Ваҳдат ва “Регар-ТадАЗ”-и Турсунзода талош доранд. «Хайр» бо 32 имтиёз дар ҷои севум ва «Регар-ТадАЗ» бо 26 имтиёз дар ҷойи чорум мебошанд. Футболбозони шаҳри Турсунзода як бозӣ камтар кардаанд.


Мавқеи дастаҳо дар ҷадвали мусобиқот


Ҷ Дастаҳо Б Ғ М Б Тӯбҳо И
1. «Равшан» 15 13 2 0 25-5 41
2. «Истиқлол» 16 12 1 3 43-8 37
3. «Хайр» 16 9 5 2 26-14 32
4. «Регар-ТадАЗ» 15 8 2 5 21-17 26
5. «Парвоз» 16 4 6 6 14-28 18
6. «Хуҷанд» 15 4 5 6 14-18 17
7. «Энергетик» 16 4 4 8 13-21 16
8. «Вахш» 16 4 3 9 11-16 15
9. ССКА «Помир» 15 2 4 9 10-21 10
10. «Истаравшан» 15 1 2 12 11-38 5

Нишонзанҳои беҳтарин: Ҳусейни Сӯҳробӣ (”Истиқлол” / “Хайр”) – 11 тӯб, Дилшод Восиев (“Истиқлол”) – 10 тӯб, Ҳасан Рустамов (“Равшан”) – 7 тӯб, Александр Кудряшов (“Истиқлол”) ва Мирзобек Мирзоев (“Хайр”) – 6-тӯбӣ, Ҷаҳонгир Эргашев (“Истиқлол”) – 5 тӯб, ва Соломон Течи («Равшан») – 5-тӯбӣ.

Бозиҳои боқимондаи мусобиқоти лигаи олӣ

Даври 20-ум


10-уми ноябр (якшанбе)
Оғози бозиҳо – соати 14.00

«ХУҶАНД» - ССКА «ПОМИР». Хуҷанд, варзишгоҳи «20-солагии Истиқлолияти Тоҷикистон».
«РАВШАН» - «РЕГАР-ТАДАЗ». Кӯлоб, Варзишгоҳи марказӣ.

Даври 21-ум
13-уми ноябр (чоршанбе)
Оғози бозиҳо – соати 14.00

«ЭНЕРГЕТИК» - «РАВШАН». Душанбе, варзишгоҳи «Авиатор».
«ХАЙР» - «ВАХШ». Ваҳдат, варзишгоҳи «Хайр».
«ПАРВОЗ» - «ХУҶАНД». Бобоҷон Ғафуров, варзишгоҳи «Фурудгоҳ».
«РЕГАР-ТАДАЗ» - «ИСТАРАВШАН». Турсунзода, варзишгоҳи «Металлург».

Бозии мавқуфгузоштаи даври 15-ум
13-уми ноябр (чоршанбе)
Оғози бозӣ – соати 14.00

ССКА «ПОМИР» - «ИСТИҚЛОЛ». Душанбе, варзишгоҳи КМВА-и Вазорати мудофиаи Тоҷикистон.

Даври 22-юм
17-уми ноябр (якшанбе)
Оғози бозиҳо – соати 14.00

«ИСТАРАВШАН» - «ЭНЕРГЕТИК». Истаравшан, Варзишгоҳи марказӣ.
«РАВШАН» - «ХАЙР». Кӯлоб, Варзишгоҳи марказӣ.
ССКА «ПОМИР» - «ПАРВОЗ». Душанбе, варзишгоҳи КМВА-и Вазорати мудофиаи Тоҷикистон.
«ХУҶАНД» - «РЕГАР-ТАДАЗ». Хуҷанд, варзишгоҳи «20-солагии Истиқлолияти Тоҷикистон».
«ВАХШ» - «ИСТИҚЛОЛ». Қӯрғонтеппа, варзишгоҳи «Пахтакор».

Шарҳҳоро бинед (7)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG