Бунгоҳи эътимодсанҷии Fitch дар пайи баррасии сатҳи эътимод ба ҳукумати Иёлоти Муттаҳида, аз эҳтимоли поён бурдани ин шохис ҳушдор додааст. Ин дар ҳолест, ки гуфтушуниди ҷумҳурихоҳон ва демократҳо дар Конгресси Амрико роҷеъ ба боло бурдани зарфияти қарзгирии ин кишвар ба бунбаст рӯбарӯ шудааст. Ин зарфият ҳоло дар сатҳи 16 триллиону 700 миллион доллар боқӣ монда, имкон намедиҳад, Иёлоти Муттаҳида баҳраи қарзҳои худро бипардозад. Сухангӯи хазинадории Амрико гуфтааст, изҳороти бунгоҳи Fitch ҳушдорест ба қонунгузорони Иёлоти Муттаҳида, ки кишвар ба сӯйи дефолт ё касодии молӣ ҳаракат дорад.