Пайвандҳои дастрасӣ

Хабари нав

«Вахш» аввалин шуда ба нимфинали Ҷоми Тоҷикистон баромад


Дастаи "Вахш"-и Қӯрғонтеппа аввалин шуда ба даври ниманиҳоии Ҷоми Тоҷикистон – 2013 роҳ ёфт.

Футболбозони Қӯрғонтеппа рӯзи 17-уми сентябр дар майдони худ, варзишгоҳи “Пахтакор”, дастаи "Эсхата”-и Хуҷандро бо ҳисоби 3:0 шикаст доданд. Ҳарсе голро нимҳимоятгар Умедҷон Шарифов дар нимаи дувуми бозӣ ба ҳадаф расонд. Вале Умедҷон дар дақиқаи 81-ум корти сурх гирифт ва аз майдон хориҷ шуд.

Бозии аввал низ дар Хуҷанд бо пирӯзии «Вахш» бо ҳисоби 2:1 анҷом ёфта буд. Рақиби «Вахш» дар нимфинал ғолиби ҷуфти «Энергетик» - «Регар-ТадАЗ» мешавад.

Се бозии дигари чорякниҳоӣ миёни дастаҳои “Равшан”-и Кӯлоб – “Парвоз”-и Бобоҷон Ғафуров, “Энергетик”-и Душанбе – “Регар-ТадАЗ”-и Турсунзода ва “Истиқлол”-и Душанбе – “Истаравшан”-и Истаравшан рӯзи чоршанбе, 18-уми сентябр, баргузор хоҳанд шуд.

Ҷоми Тоҷикистон. 1/4 финал. Бозиҳои ҷавобӣ
17-уми сентябр, сешанбе.
«ВАХШ» - «ЭСХАТА» - 3:0. Сардовар: Комил Қурбонов (Турсунзода).
Қӯрғонтеппа, варзишгоҳи «Пахтакор».
Голҳо: Умедҷон Шарифов, 67 (1:0). Умедҷон Шарифов, 70 (2:0). Умедҷон Шарифов, 74 (3:0).
Бозии аввал – 2:1.

18-уми сентябр, чоршанбе. Оғози бозиҳо – соати 16.00
«РАВШАН» - «ПАРВОЗ». Сардовар: Диловаршоҳ Орзуев (Ҳисор).
Кӯлоб, Варзишгоҳи марказӣ.
Бозии аввал – 2:1.

«ЭНЕРГЕТИК» - «РЕГАР-ТАДАЗ». Сардовар: Равшан Ишматов (Қӯрғонтеппа).
Душанбе, майдони сунъии Варзишгоҳи марказии ҷумҳуриявӣ.
Бозии аввал – 0:2.


«ИСТИҚЛОЛ» - «ИСТАРАВШАН». Сардовар: Баҳром Саъдуллоев (Қӯрғонтеппа).
Душанбе, варзишгоҳи "Авиатор".
Бозии аввал – 2:1.

Шарҳҳоро бинед (1)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG