Пайвандҳои дастрасӣ

Хабари нав

Кӣ ғолиб меояд --"Бавария" ё "Боруссия"?


Ду дастаи Олмон - «Боруссия»-и Дортмунд ва «Бавария»-и Мюнхен имшаб дар финали Лигаи қаҳрамонони Аврупо бо ҳам рақобат мекунанд.

Сабқати ниҳоии Лигаи қаҳрамонони Аврупо дар варзишгоҳи “Уэмблӣ”-и шаҳри Лондон, ки ғунҷоиши 90 ҳазор тамошобинро дорад, баргузор мешавад. Бозӣ соати 23:45 дақиқа ба вақти Тоҷикистон оғоз шуда ва аз тариқи бархе аз шабакаҳои телевизиони Тоҷикистон низ намоиш дода мешавад.

"Боруссия" дар бозии ҷавобии ниманиҳоии Лигаи қаҳрамонони Аврупо 30-юми апрел аз дастаи "Реал"-и Мадриди Испания бо ҳисоби 0:2 мағлуб гашт. Голҳоро Карим Бензема дар дақиқаи 83-юм ва Серхио Рамос дар дақиқаи 88-ум ба ҳадаф расонданд. Бозии аввал бо ҳисоби 4:1 ба нафъи “Боруссия” анҷом ёфта буд. Бинобар ин аз рӯи натоиҷи ду бозӣ “Боруссия” бо ҳисоби умумии 4:3 ғолиб омада, ба финал баромад.

“Бавария”дар бозии ҷавобии ниманиҳоӣ 1-уми май дар меҳмонӣ бар тими “Барселона”-и Испания бо ҳисоби 3:0 ғалаба кард. Голҳоро дар нимаи дувуми бозӣ Роббен (48), Пике (72, ба дарвозаи худ) ва Мюллер (76) заданд. Дар бозии аввал низ “Бавария” дар майдони худ бо ҳисоби бузурги 4:0 ғолиб омада буд ва ҳисоби умумӣ 7:0 ба фоидаи олмониҳо шуд.

Лигаи қаҳрамонони Аврупо яке аз муътабартарин сабқатҳо футбол дар қораи Аврупо буда, миллионҳо тан аз мухлистони футбол дар саросасари ҷаҳон онро тамошо мекунанд. Дастаи “Челсӣ”-и шаҳри Лондон соли гузашта дар бозии ниҳоӣ тими "Бавария"-ро шикаст дода ғолиби Лигаи қаҳрамонони Аврупо шуда буд.

Шарҳҳоро бинед (10)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG