Пайвандҳои дастрасӣ

Солҳои ахир таваҷҷуҳ ба ҳунари мардумӣ ё худ дасткорӣ бештар шудааст.

Имрӯз ҷиҳозу ороишоти миллиро на танҳо дар хонаҳои мардуми соҳибзавқу эҷодкор, балки дар меҳмонхона, коргоҳҳои хусусиву давлатӣ низ метавон дучор омад. Метавон гуфт, ки истифодаи ашёву ҷиҳози миллӣ ба тариқи мудерн, гӯё мӯд шудааст.

Дар Душанбе дӯконҳое мавҷуданд, ки маҳз ба фурӯши корҳои дастӣ ихтисос дода шудаанд. На танҳо либосу ороишоти миллӣ, ки аз қабл ҳам маъмул буд, балки арӯсакҳо, кифҳои дорои ҳаҷмҳои гуногун, ҷиҳози ороиши хонаю девор, болину кӯрпачаҳо ба фурӯш бароварда шудаанд.

Онҳо чандон арзон ва барои ҳама дастрас ҳам нестанд. Масалан, арӯсакҳо аз 30-40 то беш аз 100 сомонӣ арзиш доранд. Тавре, Санавбар, як фурӯшандаи дасткориҳо мегӯяд, харидорони онҳо зиёданд. Ба харидории арӯсакҳо аз ҷумла хориҷиён таваҷҷуҳ бештар аст ва онҳоро бештар ҳамчун ҳадя барои дӯстону наздикон мегиранд.

Санавбар гуфт, арӯсаку болиштҳоро барояш аз Исфараву Хуҷанд, кифҳоро аз Ёвону Кӯлоб, ороишотро аз Варзобу Бадахшон меоранд. Таваҷҷуҳи мардум ба ин ҳунарҳо ба занҳои хонашини зиёде имкон додааст, ки ба ин васила дастмузди хубе ба даст оранд.

Андешаи Шумо

Намоиши шарҳҳо

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG