Дар силсилаи бомбгузориҳо ва ҳамлаҳои интиҳории ҳамоҳангшуда дар маркази шаҳри Бағдод имрӯз дасти кам 18 нафар кушта ва 30 тани дигар маҷрӯҳ шудаанд. Мақомоти Ироқ гуфтанд, назди вазорати адлия ва идораҳои дигари ҳукуматӣ ду мошини бомбгузоришуда таркид ва ҷое дигар бомбгузори маргталаб худро тарконид. Баъди таркиш дар назди вазорати адлия гурӯҳи афроди мусаллаҳ хостаанд, ки дохили вазорати адлия шаванд ва бо посбонҳои он даргир шудаанд. Ба гуфтаи телевизиони Ал-Ироқия то кунун касе масъулияти ин ҳамларо бар ӯҳда нагирифтааст, ки як рӯз пеш аз даҳумин солгарди ҳамлаи Амрико ба Ироқ сурат гирифт.
