Пайвандҳои дастрасӣ

Боздошти шаҳрванди Русия барои таҳияи пулҳои қалбакӣ дар Душанбе


Мақомоти тоҷик як шаҳрванди 51-солаи Русияро ба иттиҳоми таҳияи пулҳои қалбакӣ, боздошт намудаанд.

Ба иттилои Оҷонсии мубориза бо маводи мухаддири Тоҷикистон, шаҳрванди 51 – солаи Русия дар хонаи иҷорагирифтааш дар Душанбе, асъори миллии Амрико, Тоҷикистон, Русия ва Афғонистонро омода мекардааст.

Зимни кофтукови хонаи боздоштшуда, дастгоҳи махсус ва дар ҳаҷми 550 доллари амрикоӣ, 149 сомонӣ, 1 ҳазору 150 рубли русӣ ва 30 афғонӣ пулҳои қалбакӣ дарёфту мусодира шудаанд.

Масъулини Оҷонсӣ мегӯянд, шахси боздоштшуда доғи судӣ дошта, қаблан ҳам ҷиноят содир кардааст. Ба хотири халал ворид нашудан ба раванди тафтишот, номи боздоштшуда ифшо намешавад.

Ин дар ҳолест, ки моҳе қабл мақомоти Русия аз боздошти шаҳрвандони тоҷик иттилоъ доданд, ки баробари узвият дар созмони мамнӯи “Ҳизби таҳрир”, дар таҳияи пулҳои қалбакӣ муттаҳам мешуданд. Тибқи иттилои мақомоти Русия, аз дасти муттаҳамон пулҳои қалбакӣ, аз ҷумла, як миллион доллар ва ду миллион еврои сохта, мусодира шудааст.

Андешаи Шумо

Намоиши шарҳҳо

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG