Пайвандҳои дастрасӣ

Хабари нав

Мессӣ рекорди чиҳилсолаи Герд Мюллерро шикаст


Лионел Мессӣ, ситораи футболи дастаи испании Барселона ва мунтахаби Аргентина, ба рекорди нав даст ёфт.

Лионел Мессӣ рӯзи якшанбе ба дарвозаи дастаи Реал Бетис ду гол зада, бо 86 гол дар як сол соҳиби рекорди нави ҷаҳонӣ шуд.

То ин вақт футболбози олмонӣ Герд Мюллер бо 85 гол дар соли 1972 беҳтарин нишонгири олам ба шумор мерафт. Мессӣ соли равон 74 дафъа дар ҳайати Барселона ва 12 мартаба дар ҳайати мунтахаби Аргентина тӯбро ба ҳадаф расондааст. Бо ин дастовард, имсол ҳам Мессӣ яке аз довталабҳои ҷоизаи беҳтарин футболбози ҷаҳон мебошад.

Мессии 25-сола дар давоми се соли ахир пай дар пай соҳиби тӯби тилоӣ шудааст. То ин замон ягон нафар чор дафъа пайи ҳам ба гирифтани ин ҷоиза муваффақ нашудааст. Ғолибони ҷоизаи “Тӯби тиллоӣ”- рӯзи 7-уми январи соли 2013 дар Сюрих эълон мешаванд

Дар назархоҳӣ сармураббиён ва капитанҳои тимҳои миллӣ, инчунин, хабарнигорон беҳтарин футболбози солро муайян мекунанд.

Шарҳҳоро бинед (6)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG