Бино ба хабарҳо, ҳаёт дар навори Ғазза дар пайи ҷорӣ шудани оташбас миёни Ҳамосу Исроил ба оҳистагӣ ба ҳолати оддӣ бармегардад. Ин оташбас, ки шоми чоршанбе оғоз ёфт, ба 8 рӯзи набардҳо байни ду ҷониб хотима дод. Сарвазири Ғаза Исмоил Ҳания, ки аз Ҳамос намояндагӣ мекунад, оташбасро "пирӯзӣ"-и ин гурӯҳи исломгаро номид. Сарвазири Исроил Бенямин Нетаняҳу гуфт, давлаташ ба ин оташбас, ки бо миёнҷигии Миср ва бо ҳимояти Амрико муяссар шуд, шонс дод, вале ба эҳтимоли шикастанаш низ омода шудааст. Тайи 8 рӯзи низоъ ҳудуди 160 фаластинӣ ва 6 исроилӣ кушта шуданд.
Вазъ дар Ғазза тадриҷан ором мешавад
