Омори ахири мақомоти изтирории Покистон мегӯяд, ки дар 5 ҳафтаи гузашта бар асари обхезиҳо дар ин кишвар 445 нафар ҷон бохта, офоти табиӣ дар маҷмӯъ ба беш аз 5 миллион нафар осеб расондааст. Мақомоти зидди офоти табиӣ мегӯянд, аз оғози сентябр беш аз 260 000 нафар дар урдугоҳҳо паноҳ ёфтаанд. Ин ниҳод қаблан хабар дода буд, ки обхезиҳо беш аз 450 000 гектар замини киштро хароб кардааст.